फाशी देण्यापूर्वी शेवटची इच्छा का विचारतात? कैदी फाशीच नको म्हणाला तर? जाणून घ्या

वास्तविक, फाशी देण्यापूर्वी कैद्याला त्याची शेवटची इच्छा विचारण्याची परंपरा अनेक शतकांपासून सुरू आहे. कारण पूर्वीच्या लोकांचा असा समज होता की मृत व्यक्तीची शेवटची इच्छा पूर्ण झाली नाही तर त्याचा आत्मा भटकत राहतो. म्हणूनच आजही जेव्हा एखाद्या कैद्याला फाशीची शिक्षा सुनावली जाते तेव्हा त्याला फाशी देण्यापूर्वी त्याची शेवटची इच्छा नक्कीच विचारली जाते. मात्र तुम्हाला ऐकून आश्चर्य वाटेल, तुरुंग नियमावलीत कैद्याची शेवटची इच्छा पूर्ण करण्याची कोणतीही तरतूद नाही. दिल्ली तुरुंगात बराच काळ कायदा अधिकारी असलेले सुनील गुप्ता यांनी प्रसारमाध्यमांशी संवाद साधताना ही माहिती दिली.

जर एखादा गुन्हेगार आपली शेवटची इच्छा पूर्ण करण्याच्या नावाखाली त्याला फाशी देऊ नये असे म्हणत असेल तर तसे होऊ शकत नाही. म्हणूनच शेवटची इच्छा पूर्ण करण्यासाठी जेल मॅन्युअलमध्ये कोणतीही तरतूद नाही. पण परंपरेनुसार आजही कैद्यांना त्यांची शेवटची इच्छा विचारली जाते.

हेही वाचा – Cyclone Biporjoy: रिपोर्टिंगदरम्यान पाकिस्तानच्या नव्या ‘चांद नवाब’ची पुराच्या पाण्यात उडी, Video सोशल मीडियावर तुफान व्हायरल

फक्त या ३ इच्छा पूर्ण होतात

शेवटच्या इच्छेच्या नावावर कैद्याच्या फक्त खालील तीन इच्छा पूर्ण केल्या जातात.

• जर एखाद्या कैद्याने त्याच्या आवडीचे कोणतेही अन्न खाण्याची इच्छा व्यक्त केली तर त्याची इच्छा जेल प्रशासनाकडून आनंदाने पूर्ण केली जाते.
• याशिवाय कैदी शेवटची इच्छा म्हणून त्याच्या कुटुंबीयांना भेटण्याची इच्छा व्यक्त करतो, तरीही जेल प्रशासन त्याची त्याच्या संपूर्ण कुटुंबाशी भेट घालून देते.
• तसेच कैद्याने शेवटच्या क्षणी त्याच्या धर्माचा पवित्र ग्रंथ वाचण्याची इच्छा व्यक्त केली तर त्याची ही इच्छाही पूर्ण होते.