News Flash

विश्वचषकात क्रिकेटपटूंना पत्नीला सोबत ठेवण्यास मनाई

पाकिस्तान क्रिकेट मंडळाचा निर्णय

| April 20, 2019 03:21 am

(संग्रहित छायाचित्र)

पाकिस्तान क्रिकेट मंडळाचा निर्णय

कराची : पाकिस्तान संघाचा कर्णधार सर्फराझ अहमद याच्यासह अन्य खेळाडूंनी विश्वचषक क्रिकेट स्पर्धेदरम्यान आपल्या पत्नींना सोबत ठेवण्याची परवानगी द्यावी, अशी मागणी केली होती. मात्र पाकिस्तान क्रिकेट मंडळाने (पीसीबी) ही मागणी फेटाळून लावली आहे.

‘‘इंग्लंडमध्ये रंगणाऱ्या विश्वचषक स्पर्धेदरम्यान आपल्यासोबत पत्नी आणि मुलांना सोबत ठेवण्याची परवानगी कर्णधार आणि संघातील काही खेळाडूंनी मागितली होती. मात्र पीसीबी या मागणीविरोधात आहे. इंग्लंडविरुद्ध सुरू असलेल्या एकदिवसीय मालिकेदरम्यान खेळाडूंसोबत पत्नी आणि मुलांना ठेवण्याची परवानगी देण्यात आली होती. मात्र त्यांना विश्वचषक स्पर्धा सुरू होण्याआधीच मायदेशी परतावे लागणार आहे. खेळाडूंनी फक्त विश्वचषक स्पर्धेवरच लक्ष केंद्रित करावे, अशी पीबीसीची इच्छा आहे,’’ असे पीसीबीमधील सूत्रांनी सांगितले.

ते म्हणाले, ‘‘संघ व्यवस्थापनाने हा निर्णय घेतला आहे. विश्वचषक आणि इंग्लंड दौरा हा प्रदीर्घ कालावधीसाठी आहे. जर कुटुंबातील व्यक्ती सोबत असतील तर खेळाडूंही निर्धास्त होतील. जर कुटुंबातील व्यक्ती सोबत असतील तर सामन्यातील ताणतणाव हलके होतील. पाकिस्तानात आपल्यातील ताणतणाव हलका करण्यासाठी मित्रमंडळी किंवा कुटुंबासोबत बाहेर जाण्याची परवानगी नसते. पण बाहेरच्या देशांमध्ये हे चालून जाते.’’

विश्वचषकादरम्यान खेळाडूंनी समाज माध्यमांवर व्यक्त होण्यावरही पाकिस्तान क्रिकेट मंडळ आणि संघ व्यवस्थापनाने र्निबध घातले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 20, 2019 3:21 am

Web Title: pcb not allowed cricketers to keep their wives together in the world cup
Next Stories
1 IPL 2019 : चायनामन कुलदीपची नकोशा विक्रमाशी बरोबरी, ठरला सर्वात महागडा गोलंदाज
2 IPL 2019 : ना रैना, ना धोनी, धडाकेबाज कामगिरी करत विराट मानाच्या यादीत अव्वल
3 IPL 2019 : Universal Boss गेलला विराटचा धोबीपछाड, कर्णधार म्हणून सर्वोत्तम कामगिरीची नोंद
Just Now!
X