scorecardresearch

Premium

IND vs AUS 3rd ODI: केएल राहुल मैदानातून अचानक गायब झाल्याने चाहत्यांमध्ये गोंधळ; सोशल मीडियावर म्हणाले…

IND vs AUS 3rd ODI Updates: भारत आणि ऑस्ट्रेलिया संघातील वनडे मालिकेतील निर्णायक सामना चेपॉक स्टेडियमवर खेळला जात आहे. या सामन्यात अचानकपणे केएल राहुलने मैदान सोडल्याने चाहत्यांमध्ये गोंधळ निर्माण झाला होता.

IND vs AUS 3rd ODI Updates
केएल राहुल (फोटो-संग्रहित छायाचित्र इंडियन एक्सप्रेस)

भारत आणि ऑस्ट्रेलिया यांच्यात चेन्नई येथे मालिकेतील शेवटचा आणि तिसरा एकदिवसीय सामना खेळला जात आहे. हा मालिकेतील निर्णायक सामना आहे, ज्यामध्ये ऑस्ट्रेलिया प्रथम फलंदाजी करत आहे. या सामन्यात पहिल्या एकदिवसीय सामन्याचा हिरो केएल राहुल पुन्हा एकदा चर्चेत आला आहे, कारण सामन्याच्या मध्यभागी केएल राहुलच्याऐवजी इशान किशन यष्टीरक्षण करण्यासाठी मैदानात आला होता.

केएल राहुल अज्ञात कारणामुळे मैदानाबाहेर गेल्याचे या सामन्यात पाहायला मिळाले होत. या दरम्यान त्याच्या जागी इशान किशन मैदानावर आला होता. त्याने काही काळ विकेटकीपिंग केली आहे. त्यानंतर पुन्हा केएल राहुल मैदानात परतला. तो सामन्यांच्या २९ व्या षटकांत मैदानात परतला आणि किशन पुन्हा मैदाना बाहेर गेला. दरम्यान राहुलच्या मैदानातून अचानक बाहेर पडल्याने ट्विटरवर चाहत्यांच्या प्रश्नाचा पूर आला.

elders saved the child slife Varanasi Viral Video
VIDEO: पावसाच्या पाण्यात विजेचा धक्का बसल्याने तडफडत होता चिमुकला, देवदूत बनून आलेल्या वृद्धांनी वाचवले प्राण
Pankaja Munde
“माझ्यावर निर्णय घ्यायची वेळ…”, पंकजा मुंडेंच्या वक्तव्यावर भाजपाची प्रतिक्रिया; म्हणाले…
Anil Parab Supreme Court Rahul Narwekar
“सर्वोच्च न्यायालयाच्या खालचं विधानसभा अध्यक्षांचं न्यायालय प्रत्येक आमदाराची…”, अनिल परबांचं मोठं विधान
Marathi Woman Trupti Devrukhkar Shared video
धक्कादायक! मराठी महिलेला मुंबईत घर नाकारलं, मनसेने इंगा दाखवल्यानंतर माफी, व्हायरल व्हिडीओवर संताप व्यक्त

खरं तर, स्टार खेळाडू केएल राहुलला आगामी वर्ल्ड टेस्ट चॅम्पियनशिप फायनल आणि वनडे वर्ल्ड कपसाठी भारताचा यष्टीरक्षक म्हणून पाहिले जात आहे. अशात अचानकपणे त्याने मैदान सोडल्याने अनेक चर्चेंना उधान आले होते. चाहत्यांनी ट्विटरवर त्याच्या अचानक न बाहेर पडण्यावर प्रश्न उपस्थित केले आहेत.

हेही वाचा – ICC ODI Rankings: विराट-रोहितला मागे टाकत ‘या’ युवा फलंदाजाने वनडे क्रमवारीत मारली बाजी; टॉप-५ मध्ये मिळवले स्थान

सामन्याबद्दल बोलायचे, तर ऑस्ट्रेलिया संघाने प्रथम फलंदाजी खेळण्याचा निर्णय घेतला. ऑस्ट्रेलिया संघाने २९ षटकाच्या समाप्तीनंतर ५ बाद १४५ धावा केल्या आहेत. ऑस्ट्रेलियाकडून अॅलेक्स कॅरी (१०) आणि मार्कस स्टॉयनिस (२) फलंदाजी करत आहे. ट्रेव्हि हेड ३३, मिचेल मार्श ४७ डेव्हिड वार्नर २३ धावा करुन बाद झाले आहेत. त्याचबरोबर कर्णधार स्मिथला भोपळाही फोडता आला नाही. भारतीय संघाकडून गोलंदाजी करताना अष्टपैलू खेळाडू आणि उपकर्णधार हार्दिक पांड्याने शानदार गोलंदाजी केली. त्याने भारतीय संघासाठी पहिल्या तीन विकेट घेतल्या. त्याचबरोबर कुलदीप यादवने २ विकेट घेतल्या.

नियम काय आहे?

बदली खेळाडू क्रिकेटमध्ये फलंदाजी किंवा गोलंदाजी करू शकत नाही. त्याला नेतृत्व करता येत नाही. MCC च्या कायद्यानुसार विकेटकीपिंग करू शकतो 24.1.2. मात्र यासाठी मैदानावरील पंचांची परवानगी घ्यावी लागतो. केवळ कन्कशन पर्यायाच्या प्रसंगी, प्लेइंग इलेव्हनच्या बाहेरील खेळाडू फलंदाजी किंवा गोलंदाजी करू शकतो.

ऑस्ट्रेलिया (प्लेइंग इलेव्हन): डेव्हिड वॉर्नर, ट्रॅव्हिस हेड, मिचेल मार्श, स्टीव्ह स्मिथ (कर्णधआर), मार्नस लॅबुशेन, अॅलेक्स केरी (यष्टीरक्षक), मार्कस स्टॉइनिस, अॅश्टन अगर, शॉन अॅबॉट, मिचेल स्टार्क, अॅडम झाम्पा

भारत (प्लेइंग इलेव्हन): रोहित शर्मा (कर्णधार), शुबमन गिल, विराट कोहली, सूर्यकुमार यादव, केएल राहुल (यष्टीरक्षक), हार्दिक पंड्या, रवींद्र जडेजा, अक्षर पटेल, कुलदीप यादव, मोहम्मद शमी, मोहम्मद सिराज

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: As kl rahul walked off the field ishan kishan came in to take wicket in ind vs aus 3rd odi match vbm

संबंधित बातम्या

गणेश उत्सव २०२३ ×