T20 World Cup: टांगा पलटी घोडे फरार! षटकार मारलेला चेंडू कॅच पकडायला गेला अन्…; पाहा Video

कॅच पकडताना फॅन पडला: खरं तर, सॅम कुरनच्या दुसऱ्या ओव्हरमध्ये आयरिश कर्णधार बलबर्नीने डीप स्क्वेअर लेगच्या दिशेने मोठा षटकार मारला. यादरम्यान सामन्याचा आनंद घेण्यासाठी आलेला एक चाहता कॅच पकडण्यासाठी उत्सुक दिसत होता. या प्रयत्नात तो अचानक समोर असलेल्या खुर्च्यांमध्ये तोंडावर पडला. त्यावेळी ही घटना कॅमेऱ्यात कैद झाली. आता हा मजेशीर व्हिडिओ सोशल मीडियावर व्हायरल होत आहे.

एकीकडे ही मजेशीर घटना कॅमेऱ्यात कैद झाली. तर दुसरीकडे काही वेळाने हा क्रिकेट चाहताही या आपल्या स्वतःसोबत घडलेल्या अपघातावर हसताना दिसला. या दरम्यान महत्वाचे म्हणजे चाहत्याला कोणतीही गंभीर दुखापत झाली नाही. त्याचबरोबर तिथे उपस्थित असलेल्या इतर प्रेक्षकांनी त्या चाहत्याला सावरण्यासाठी मदत केली.

डकवर्थ लुईस नियमानुसार आयरिश संघ ५ धावांनी विजयी घोषित –

इंग्लंड आणि आयर्लंड सामन्याबद्दल बोलायचे झाले, तर इंग्लिश कर्णधार जोस बटलरने नाणेफेक जिंकून गोलंदाजी करण्याचा निर्णय घेतला, त्यानंतर आयर्लंडने स्कोअरबोर्डवर १५८ धावांचे लक्ष्य ठेवले. इंग्लंडने आपल्या सुरुवातीच्या विकेट लवकर गमावल्या होत्या, त्यानंतर इंग्लिश १४.३ षटकांत ५ विकेट गमावून केवळ १०५ धावाच करू शकला. पावसामुळे सामना पुढे खेळता आला नाही, त्यानंतर डकवर्थ लुईस नियमानुसार आयरिश संघ ५ धावांनी विजयी घोषित करण्यात आला.

हेही वाचा – T20 World Cup: अक्षर पटेलची फलंदाजीतील क्रमवारी निश्चित नाही, संघ व्यवस्थापनाने सांगितली त्याची भूमिका