Ind vs Pak Highlights Match Score, Asia Cup 2025: आशिया चषक २०२५ स्पर्धेत सर्वात भारतीय संघाने पाकिस्तानवर दणदणीत विजय मिळवला. पाकिस्तानने टॉस जिंकून बॅटिंगचा निर्णय घेतला. पाकिस्तानने शाहीन शहा आफ्रिदीच्या ३३ धावांच्या खेळीच्या बळावर १२७ धावांची मजल मारली. भारताने सूर्यकुमार यादवच्या ४७ धावांच्या खेळीच्या जोरावर हे लक्ष्य गाठलं. तिलक वर्मा आणि अभिषेक वर्मा यांनी प्रत्येकी ३१ धावा करत सूर्यकुमारला चांगली साथ दिली.
Asia Cup, 2025
India
131/3 (15.5)
Pakistan
127/9 (20.0)
Match Ended ( Day – Match 6 )
India beat Pakistan by 7 wickets
भारताचा खणखणीत विजय
पाकिस्तानने टॉस जिंकून बॅटिंगचा निर्णय घेतला. मात्र भारताच्या फिरकी आक्रमणापुढे त्यांनी शरणागती पत्करली. पाकिस्तानला १२७ धावांचीच मजल मारता आली. साहिबजादा फरहानने ४० तर शाहीन शहा आफ्रिदीने ३३ धावांची खेळी केल्याने पाकिस्तानला शंभरीचा टप्पा ओलांडता आला. भारतातर्फे कुलदीप यादवने ३ विकेट्स घेतल्या.
अभिषेक शर्मा आणि शुबमन गिल यांनी आक्रमक सुरुवात करून दिली. अभिषेकने ३१ धावा केल्या. सूर्यकुमार यादव आणि तिलक वर्मा यांनी महत्त्वपूर्ण भागीदारी केली. तिलक ३१ धावा करून बाद झाला. सूर्यकुमारने नाबाद ४७ धावांची खेळी करत भारताच्या विजयावर शिक्कामोर्तब केलं. सामना संपल्यानंतरही दोन्ही संघांनी हस्तांदोलन केलं नाही.
टीम इंडियाच्या विजयात सूर्यकुमार-अभिषेक चमकले
सूर्यकुमार यादव आणि अभिषेक यादव यांच्या आक्रमक खेळींच्या बळावर भारतीय संघाने पारंपरिक प्रतिस्पर्धी पाकिस्तानवर ७ विकेट्सनी विजय मिळवला.
सईम अय्युबने तिलक वर्माला केलं त्रिफळाचीत
सईम अय्युबने डावखुऱ्या तिलक वर्माला त्रिफळाचीत करत गोलंदाज म्हणून उपयुक्तता सिद्ध केली. तिलकने ३१ धावा केल्या.
फटकेबाजीनंतर अभिषेक शर्मा बाद
मनमुराद फटकेबाजीनंतर डावखुरा सलामीवीर अभिषेक शर्मा बाद झाला. सईम अय्युबच्या गोलंदाजीवर मोठा फटका खेळण्याचा अभिषेकचा प्रयत्न फसला. त्याने ३१ धावा केल्या.
शुबमन गिल फिरकीच्या जाळ्यात
सईम अय्युबच्या फिरकीविरुद्ध डाऊन द ट्रॅक जाण्याचा मोह शुबमन गिलला महागात पडला. तो १० धावा करुन तंबूत परतला.
टीम इंडियाचं फिरकीचं जाळं
पाकिस्तानने टॉस जिंकून बॅटिंगचा निर्णय घेतला. मात्र भारतीय संघाच्या फिरकी केंद्रित आक्रमणासमोर त्यांच्या योजना यशस्वी झाल्या नाहीत. कुलदीप यादव, अक्षर पटेल आणि वरुण चक्रवर्ती या त्रिकुटाने धावाही रोखल्या आणि विकेट्सही पटकावल्या.
पाकिस्तान १२७/९
शाहीन शहा आफ्रिदीच्या १६ चेंडूत ३३ धावांच्या खेळीच्या बळावर पाकिस्ताननने १२७ धावांची मजल मारली. भारतातर्फे कुलदीप यादवने ३ तर जसप्रीत बुमराह आणि अक्षर पटेल यांनी प्रत्येकी ३ विकेट्स पटकावल्या.
वरुण चक्रवर्तीला पहिलं यश
शिस्तबद्ध गोलंदाजी करणाऱ्या वरुण चक्रवर्तीने फहीम अशरफला बाद करत पहिली विकेट पटकावली.
IND vs PAK: पाकिस्तानचे ७ फलंदाज तंबूत
पाकिस्तानला १७ व्या षटकात ७ वा धक्का बसला आहे. फरहान ४० धावांवर बाद होऊन माघारी परतला आहे. त्याला बाद करण्यासाठी हार्दिकने भन्नाट झेल घेतला.
IND vs PAK Live: कुलदीपची हॅट्रीक थोडक्यात हुकली
कुलदीप यादवला हॅट्रीक घेण्याची संधी होती. त्याने लागोपाठ २ चेंडूंवर फरहान आणि नवाजला बाद करत माघारी धाडलं. पण त्याची हॅट्रीक थोडक्यात हुकली.
पाकिस्तानचा कर्णधार सलमान अली अघा १२ चेंडूत ३ धावा करून तंबूत परतला. अक्षर पटेलच्या गोलंदाजीवर चेंडू स्वीप करण्याचा सलमानचा प्रयत्न अभिषेक शर्माच्या हातात जाऊन विसावला.
अक्षर पटेलने फोडली भागीदारी
अक्षर पटेलने खेळपट्टीवर स्थिरावलेल्या अनुभवी फखर झमनला बाद केलं. तिलक वर्माने चांगला झेल टिपला. त्याने १७ धावा केल्या.
फखर झमानला जीवदान
जसप्रीत बुमराहचा भेदक चेंडू फखर झमनच्या पायावर आदळला. भारतीय खेळाडूंनी जोरदार अपील केलं आणि पंचांनी होकार दिला. फखरने तात्काळ रिव्ह्यू घेतला. यात चेंडूने बॅटची कड घेतल्याचं स्पष्ट झालं आणि फखरला जीवदान मिळालं.
मोहम्मद हॅरिस तंबूत
टीम इंडियाचं प्रमुख अस्त्र असलेल्या जसप्रीत बुमराहने धोकादायक मोहम्मद हॅरिसला तंबूचा रस्ता दाखवला.
सईम अय्युब तंबूत
पाकिस्तानचा आक्रमक सलामीवीर सईम अय्युबला हार्दिक पंड्याने दुसऱ्याच चेंडूवर माघारी धाडलं. जसप्रीत बुमराहने गली क्षेत्रात चांगला झेल टिपला. अय्युबला भोपळाही फोडता आला नाही.
नाणेफेकीवेळी हस्तांदोलन नाही
क्रिकेटमध्ये नाणेफेकीवेळी कर्णधार एकमेकांशी हस्तांदोलन करतात. आशिया चषकातील भारत-पाकिस्तान लढतीवेळी भारताचा कर्णधार सूर्यकुमार यादव आणि पाकिस्तानचा कर्णधार सलमान अघा यांनी हस्तांदोलनासाठी पुढाकार घेतला नाही.
नाणेफेक झाल्यानंतर दोन्ही कर्णधार एकमेकांना गुडलकचा संदेश देतात पण सूर्यकुमार तसंच सलमान अघा यांनी हस्तांदोलन केलं नाही. दोघांनी आपापल्या संघांचे कागद सामनाधिकाऱ्यांना दिले. समालोचक रवी शास्त्री यांच्याशी बोलून सूर्यकुमार ड्रेसिंगरुमकडे परतला. नाणेफेकीनंतर दोघे एकमेकांशी बोलले नाहीत. सूर्यकुमारने सामन्याच्या दिवशी सकाळीच हस्तांदोलन करणार नसल्याचं संघासमोर स्पष्ट केलं होतं.
पाकिस्तानने टॉस जिंकून घेतला बॅटिंगचा निर्णय, दोन्ही संघ कसे आहेत?
भारतीय संघ
अभिषेक शर्मा, शुबमन गिल, संजू सॅमसन, सूर्यकुमार यादव, तिलक वर्मा, शिवम दुबे, हार्दिक पंड्या, अक्षर पटेल, कुलदीप यादव, जसप्रीत बुमराह, वरुण चक्रवर्ती
पाकिस्तान संघ
साहिबजादा फरहान, सईम अयुब, फखर झमान, सलमान अघा, हसन नवाझ, मोहम्मद हॅरिस, मोहम्मद नवाझ, फहीम अशरफ, शाहीन शहा आफ्रिदी, सुफियान मुकीम, अबरार अहमद
पाकिस्तानने टॉस जिंकला, बॅटिंगचा निर्णय
पाकिस्तानचा कर्णधार सलमान अघाने नाणेफेकीचा कौल जिंकून बॅटिंगचा निर्णय घेतला आहे. भारतीय संघाने युएईविरुद्धच्या सामन्यातला संघ कायम राखला आहे.
छत्रपती संभाजीनगर: भारत-पाकिस्तान क्रिकेट सामना म्हणजे देशाच्या भावनांशी खेळ - शिवसेना ठाकरे गट महिला आघाडी
भारत-पाकिस्तान लढतीचा टॉस थोड्याच वेळात
आशिया चषकातील भारत-पाकिस्तान लढतीचा टॉस काही वेळेतच होणार आहे. या लढतीवर बहिष्कार घालण्यात यावा अशी मागणी होत आहे. ही लढत होण्यामागचं कारण बीसीसीआय सचिवांनी स्पष्ट केलं आहे. त्यामुळे थोड्याच वेळात दोन्ही संघांचे कर्णधार नाणेफेकीसाठी हजर होतील.
Ind vs Pak: पहलगाम हल्ल्यातील पीडित कुटुंबाचा IND vs PAK सामन्यावर संताप
आशिया चषकातील भारत वि. पाकिस्तान सामन्यावर पहलगाम दहशतवादी हल्ल्यातील पीडित कुटुंबीयांनी संतप्त प्रतिक्रिया दिली आहे... वाचा सविस्तर
Ind vs Pak: पाकिस्तानविरुद्धच्या सामन्यावर बहिष्कार घातला तर... ; बीसीसीआयच्या सचिवांनी सांगितलं कारण
अभिनेते नाना पाटेकरांचं भारत-पाकिस्तान सामन्यावर मोठं विधान; म्हणाले, "आपण त्यांच्याशी…"
India vs Pakistan Asia Cup 2025: भारत-पाकिस्तान क्रिकेट सामन्याविरोधात मनसेचे चक्क टीव्ही फोडो आंदोलन
India vs Pakistan Match: 'तुम्ही पाकिस्तानला निधी पुरवताय', पहलगाम हल्ल्यातील पीडित आसावरी जगदाळेंनी व्यक्त केला संताप
पाकिस्तानचा प्रतिकात्मक राष्ट्रध्वज जाळून ठाण्यात ठाकरे गटाचे आंदोलन; पाकिस्तान विरोधात घोषणाबाजी, मोदींना पाठविले कुंकू
Profit vs Patriotism: भारतीय संघ आशिया चषकात पाकिस्तानसोबत का खेळत आहे?
भारतीय संघ आशिया चषकात पाकिस्तानसोबत का खेळत आहे. संपूर्ण बातमी वाचण्यासाठी खाली दिलेल्या लिंकवर क्लिक करा.
IND vs PAK Live: …हा तर अदृश्य बहिष्कार
भारत आणि पाकिस्तान या पारंपरिक प्रतिस्पर्ध्यांमध्ये आशिया चषक स्पर्धेचा सामना आज रंगणार असला तरी पदाधिकारी, प्रतिष्ठितांनी या लढतीकडे सामान्य प्रेक्षकांप्रमाणे पाठच फिरवली आहे
पूर्ण बातमी वाचण्यासाठी खाली दिलेल्या लिंकवर क्लिक करा
IND vs PAK Live: धनाढ्य बोर्ड, गर्भश्रीमंत खेळाडू पण पाकिस्तानवर बहिष्कार टाकायची धमक का नाही?
काही दिवसांपूर्वीच बीसीसीआय अर्थात ‘बोर्ड फॉर क्रिकेट कंट्रोल इन इंडिया’ यांच्या आर्थिक स्थितीचा अहवाल समोर आला. वर्षभरापूर्वी बीसीसीआयच्या तिजोरीत २०,६८६ कोटी रुपये असल्याचं स्पष्ट झालं.
ही पूर्ण बातमी वाचण्यासाठी खाली दिलेल्या लिंकवर क्लिक करा
IND vs PAK Live: दुबईत सामन्यावेळी कसं असेल हवामान?
हा सामना दुबईतील दुबई आंतरराष्ट्रीय क्रिकेट स्टेडियममध्ये रंगणार आहे. त्यामुळे पावसाची शक्यता तर फारच कमी आहे. पण खेळाडूंना उष्णतेचा सामना करावा लागू शकतो. ॲक्यूवेदरच्या रिपोर्टनुसार, तापमान ४० अंश डिग्री सेल्सिअसच्या आसपास असेल. त्यामुळे खेळाडूंना उष्ण वातावरणाचा त्रास होऊ शकतो. त्यामुळे खेळाडूंना थकवा येऊ शकतो.
