CSK vs GT IPL 2023 Final Highlights: माहीची चेन्नईच किंग! सलग पाचव्यांदा आयपीएल चषकावर कोरले नाव, गुजरातवर पाच गडी राखून दणदणीत विजय

चेन्नईला १२ चेंडूत २१ धावांची गरज असताना अंबाती रायडू आणि कर्णधार एम. एस. धोनी बाद झाले. त्यामुळे गुजरात टायटन्सने सामन्यात पुन्हा एकदा रंजक आणली. मोहित शर्माने त्याच्या एकाच षटकात दोघांना बाद केले. माहीला भोपळाही फोडता आला नाही. रायडूने ८ चेंडूत १८ धावा करत सामना जवळ आणून दिला होता.

चेन्नई सुपर किंग्स १५९-५

https://twitter.com/IPL/status/1663271610282033152?s=20

सहा षटकांनंतर चेन्नई सुपर किंग्जने एकही विकेट न गमावता ७२ धावा केल्या होत्या. त्यानंतर ऋतुराज १६ चेंडूत २६ धावा आणि डेव्हॉन कॉनवे २५ चेंडूत ४७ धावा करून बाद झाला. अफगाणी फिरकीपटूंनी चेन्नईला एकापाठोपाठ दोन धक्के दिले.

चेन्नई सुपर किंग्स ७८-२

https://twitter.com/IPL/status/1663262955474132992?s=20

राखीव दिवशीही फायनलमध्ये पावसाने कहर केला. चेन्नईच्या डावाच्या ०.३ षटकांनंतर पावसामुळे सामना थांबवण्यात आला. आता त्यात एक नवीन अपडेट आले आहे. हा सामना दुपारी १२.१० वाजता सुरू होईल. चेन्नईसमोर डकवर्थ लुईस नियमानुसार १५ षटकांत १७१ धावांचे लक्ष्य आहे. चेन्नईने आतापर्यंत तीन चेंडूत चार धावा केल्या आहेत. त्यानुसार चेन्नईला ८७ चेंडूत १६७ धावांची गरज आहे. चेन्नईसाठी खास बाब म्हणजे त्यांच्या १० विकेट्स शिल्लक आहेत. ऋतुराज गायकवाड आणि डेव्हॉन कॉनवे क्रीजवर आहेत. गुजरातच्या प्रत्येक गोलंदाजाला प्रत्येकी तीन षटके टाकावी लागतील. पॉवरप्ले चार षटकांचा असेल.

अहमदाबादमधील चाहत्यांसाठी एक आनंदाची बातमी आहे. पाऊस थांबला आहे. सामना लवकरच सुरू होऊ शकतो. षटके कापली जाण्याची शक्यता नाही. कव्हर काढले आहेत. सुपर-सोपर्स त्यांचे काम करत आहेत. मात्र, काही ठिकाणी जमिनीवर पाणी साचले. ते सुकवण्याचे काम केले जात आहे. अशा परिस्थितीत पूर्ण २० षटकांचा सामना होऊ शकतो. गुजरातने चेन्नईसमोर २१५ धावांचे लक्ष्य ठेवले आहे. रात्री १०.४५ वाजता अंपायर पाहणी करतील.

सध्या मैदानात पाऊस थांबला असून मैदान पूर्वस्थितीत आणण्याचे काम सुरु आहे. खेळाला लवकरच सुरुवात होणार असल्याचे पंचांकडून सांगण्यात आले आहे.

चेन्नई सुपर किंग्स ४-०

साई सुदर्शनने ३३ चेंडूत आपले अर्धशतक पूर्ण केले. त्याने चौकारांसह अर्धशतक ठोकले. या मोसमातील त्याचे हे तिसरे अर्धशतक ठरले. २१ वर्षीय सुदर्शन शानदार फलंदाजी करत आहे. सध्या हार्दिक पांड्या दोन चेंडूत एका धावेवर फलंदाजी करत असून साई सुदर्शनने ४० चेंडूत ७६ धावा केल्या आहेत. तुषार देशपांडेच्या एकाच षटकात २० धावा कुटल्या.

गुजरात टायटन्स १७३-२

https://twitter.com/IPL/status/1663203669792391170?s=20

११वे षटक गुजरातच्या नावावर होते. जडेजाच्या या षटकात एका चौकारासह एकूण ११ धावा काढल्या. गुजरातची धावसंख्या १०० पार झाली आहेे. ऋद्धिमान साहाने शुबमन बाद झाल्यानंतर आक्रमक फटकेबाजी सुरूच ठेवली. या आयपीएलमध्ये त्याने दुसरे अर्धशतक पूर्ण केले. सध्या तो ३७ चेंडूत ५३ धावांवर खेळत आहे.

गुजरात टायटन्स १२४-१

https://twitter.com/IPL/status/1663199325122625536?s=20

गुजरातला पहिला मोठा धक्का सातव्या षटकात बसला. धोनीच्या जबरदस्त स्टंपिंगपुढे शुबमन गिल काहीच करू शकला नाही. सातव्या षटकात रवींद्र जडेजाच्या गोलंदाजीवर गिल मोठा फटका मारण्यासाठी बाहेर आला आणि ०.१२ सेकंदाच्या रिअ‍ॅक्शन टाइममध्ये ४१ वर्षीय धोनीने शुबमनला यष्टिचीत केले. त्याला २० चेंडूत ३९ धावा करता आल्या. शुबमनने आपल्या खेळीत सात चौकार मारले. चार धावांवर असताना दीपक चाहरनेही त्याचा झेल सोडला. मात्र, धोनीसमोर शुबमन सपशेल अपयशी ठरला.

गुजरात टायटन्स ६७-१

https://twitter.com/IPL/status/1663194111535611904?s=20

शुबमनचा झेल सोडल्यानंतर तिसऱ्या षटकात दीपक चाहरने स्वतःच्याच गोलंदाजीवर ऋध्दिमान साहाचा झेल सोडला. झेल सोडल्यानंतर या षटकात ऋध्दिमान साहाने जखमेवर मीठ चोळत त्याच षटकात १६ धावा कुटल्या. त्याने षटकात एक षटकार आणि एक चौकार लगावला.

गुजरात टायटन्स ५८-०

चेन्नई सुपर किंग्स संघ: ऋतुराज गायकवाड, डेव्हॉन कॉनवे, अजिंक्य रहाणे, मोईन अली, अंबाती रायुडू, रवींद्र जडेजा, एमएस धोनी (कर्णधार/यष्टीरक्षक), दीपक चाहर, मथिशा पाथीराना, तुषार देशपांडे, महेश तीक्षणा

गुजरात टायटन्स: ऋद्धिमान साहा (यष्टीरक्षक), शुबमन गिल, साई सुदर्शन, हार्दिक पांड्या (कर्णधार), विजय शंकर, डेव्हिड मिलर, राहुल तेवतिया, राशिद खान, मोहित शर्मा, नूर अहमद, मोहम्मद शमी.

https://twitter.com/IPL/status/1663178614907768832?s=20

गुजरातचा कर्णधार हार्दिक म्हणाला, "मीही प्रथम गोलंदाजी केली असती, पण माझे मन मला फलंदाजी करायला सांगत होते, त्यामुळे नाणेफेक हरल्याने मला काही फरक पडला नाही. हवामान आपल्या नियंत्रणाबाहेर आहे त्याला आपण कंट्रोल करू शकत नाही. जो संघ चांगला खेळेल त्याला ट्रॉफी मिळेल. मला माझ्या खेळाडूंना शांत ठेवायला आवडते आणि तेही मला तेच सांगतात. ही खेळपट्टी सपाट आहे त्यामुळे फारसा फरक पडणार नाही. तसेच आम्ही संघात कोणताही बदल केलेला नाही.

गुजरात टायटन्सविरुद्धच्या अंतिम सामन्यात चेन्नई सुपर किंग्जचा कर्णधार महेंद्रसिंग धोनीने नाणेफेक जिंकून प्रथम गोलंदाजी करण्याचा निर्णय घेतला. धोनीने प्लेइंग-११ मध्ये कोणताही बदल केलेला नाही.

https://twitter.com/IPL/status/1663177149103353856?s=20

आयपीएल २०२३चा अंतिम सामना चेन्नई सुपर किंग्ज आणि गुजरात टायटन्स यांच्यात आहे. वेळापत्रकानुसार हा सामना २८मे रोजी अहमदाबादच्या नरेंद्र मोदी स्टेडियमवर संध्याकाळी ७.३० वाजता होणार होता. मात्र, पावसामुळे या सामन्यात नाणेफेकही होऊ शकली नाही. अशा परिस्थितीत आयपीएल २०२३च्या चॅम्पियनचा निर्णय राखीव दिवशी होईल. या सामन्यासाठी २९ मे हा राखीव दिवस आहे. त्याआधी आयपीएलच्या समारोप सोहळ्याला सुरुवात झाली आहे. सामना जरी राखीव दिवशी असला तरी चाहत्यांचा उत्साह जबरदस्त आहे.

https://twitter.com/ChennaiIPL/status/1663163805378174976?s=20

चेन्नई सुपर किंग्ज: महेंद्रसिंग धोनी (कर्णधार/यष्टीरक्षक), आकाश सिंग, मोईन अली, भगत वर्मा, दीपक चाहर, डेव्हॉन कॉनवे, तुषार देशपांडे, शिवम दुबे, ऋतुराज गायकवाड, राजवर्धन हंगरगेकर, रवींद्र जडेजा, सिसंदा मगला, अजय मंडल, मथिशा पाथीराना, ड्वेन प्रिटोरियस, अजिंक्य रहाणे, शेख रशीद, अंबाती रायुडू, मिचेल सँटनर, सुभ्रांशु सेनापती, सिमरजीत सिंग, निशांत सिंधू, प्रशांत सोलंकी, महिष टीक्षाना.

गुजरात टायटन्स: हार्दिक पंड्या (कर्णधार), शुबमन गिल, डेव्हिड मिलर, अभिनव मनोहर, साई सुदर्शन, ऋद्धिमान साहा (यष्टीरक्षक), मॅथ्यू वेड, राशिद खान, राहुल तेवतिया, विजय शंकर, मोहम्मद शमी, अल्झारी जोसेफ, यश दयाल, प्रदीप संगवान, दर्शन नालकांडे. जयंत यादव, आर. साई किशोर, नूर अहमद, दासून शनाका, ओडियन स्मिथ, के.एस. भरत, शिवम मावी, उर्विल पटेल, जोशुआ लिटल आणि मोहित शर्मा.