आयपीएलच्या पंधराव्या हंगामातील २९ व्या सामन्यातील लढत चांगलीच रोमहर्षक ठरली. या सामन्यात गुजरात टायटन्सने थरारक विजय मिळवून चेन्नई सुपर किंग्जला धूळ चारली आहे. चेन्नईने केलेल्या १६९ धावांचे आव्हान स्वीकारुन गुजरात टायटन्सने शेवटच्या षटकापर्यंत २७० धावा करत विजय मिळवला. या सामन्यात राशिद खान आणि डेव्हिड मिलर या जोडीने चौफेर फटकेबाजी केल्यामुळेच गुजरातला विजयापर्यंत पोहोचता आलं.
विजयासाठी १७० धावांचे लक्ष्य गाठताना फलंदाजीसाठी आलेल्या गुजरात टायटन संघाची सुरुवात अतिशय़ खराब झाली. पहिल्याच षटकात सलामीला आलेला शुभमन गिल शून्यावर झेलबाद झाला. त्यानंतर दुसऱ्याच षटकात विजय शंकरदेखील शून्यावर झेलबाद झाला. त्यापाठोपाठ गुजरातच्या १६ धावा असताना अभिनव मनोहर फक्त १२ धावा करुन तंबूत परतला. गुजरातच्या ४८ धावा झालेल्या असताना सलामीला आलेला वृद्धीमान साहा अवघ्या ११ धावा करु शकला. त्यानंतरराहुल तेवतीया आणि डेविड मिलर या जोडीने गुजरातला सावरण्याचा प्रयत्न केला. मात्र राहुल तेवतीयादेखील अवघ्या सहा धावा करुन झेलबाद झाल्यानंतर गुजरातची ४८ धावांवर पाच गडी बाद अशी दयनीय स्थिती झाली.
हेही वाचा >>> IPL 2022 : भुवनेश्वर कुमारने रचला इतिहास; ‘आयपीएल’मध्ये ‘ही’ कामगिरी करणारा ठरला पहिला भारतीय वेगवान गोलंदाज
५९ धावा होईपर्यंत गुजरातचा अर्धा संघ तंबुत परतला होता. त्यानंतर मात्र मैदानात पाय रोवून फलंदाजी करत असलेल्या डेविड मिलरने सामना फिरवला. त्याने चौकार आणि षटकार लगावत ढासळलेल्या गुजरातला मजबूत स्थितीत आणले. शेवटी ११ चेंडूंमध्ये १९ धावांची गरज असताना डेविड मिलर आणि राशिद खान या गोडीने कमालीची फलंदाजी केली.
हेही वाचा >>> IPL 2022 : केन विल्यम्सनने DRS घेताच जॉनी बेअरस्टो खवळला, पंजाब-हैदराबाद सामन्यात मैदानातच राडा
राशिद खानने अठराव्या षटकात तीन षटकार आणि एक चौकार लगावत सामना फिरवला. सामना पुन्हा एकदा गुजरातच्या बाजूने झुकल्यानंतर मात्र राशीद खान चाळीस धावा करुन झेलबाद झाला. त्यानंतर अलझारी जोसेफची विकेट गेल्यानंतर सामना पुन्हा एखदा चेन्नईच्या बाजूने झुकला. शेवटच्या सहा चेंडूंमध्ये गुजरातला १३ धावांची गरज होती. डेविड मिलरने चेन्नईच्या गोलंदाजांचा हिमतीने सामना करत सामन्यावर गुजरातचं नाव कोरलं. ख्रिस जॉर्डनने नो बॉल टाकल्यामुळे चेन्नईने सामना गमावला.
हेही वाचा >>> IPL 2022, PBKS vs SRH : हैदराबादचा पंजाबवर सात गडी राखून दणदणीत विजय, उमरान मलिक ठरला ‘किंग’
तर यापूर्वी फलंदाजीसाठी आलेल्या चेन्नई सुपर किंग्जने धडाकेबाज फलंदाजी केली. सलामीला आलेल्या ऋतुराज गायकवाडने अर्धशतकी खेळी केली. त्याने सुरुवातीपासूनच मोठे फकटे मारत ४८ चेंडूमध्ये पाच चौकार आणि पाच षटकार लगावत ७३ धावा केल्या. तर दुसरीकडे सलामीला आलेला रॉबिन उथप्पा मात्र यावेळी फक्त तीन धावांवर झेलबाद झाला. दुसऱ्या विकेटसाठी आलेला मोईन अलीदेखील फक्त एक धाव करुन त्रिफळाचित झाला.
हेही वाचा >>> IPL 2022, PBKS vs SRH : उमरान मलिक नावाच्या वादळात पंजाब नेस्तनाबूत, घेतल्या ६ चेंडूंमध्ये ४ विकेट्स!
तिसऱ्या विकेटसाठी आलेल्या अंबाती रायडूने चेन्नईला सावरण्याचा प्रयत्न केला. त्याने ३१ चेंडूंमध्ये ४६ धावा केल्या. ज्यामुळे चेन्नईला १६९ धावांपर्यंत मजल मारता आली. शिवम दुबे १९ धावा करुन धावबाद झाला. तर रविंद्र जाडेजाने वीस षटके होईपर्यंत २२ धावा केल्या. चेन्नईने शेवटपर्यंत पाच गडी गमवत मुंबईसमोर १६९ धावांचा डोंगर उभा केला.
हेही वाचा >>> IPL 2022 : बाद होताच त्रागा! मुंबईच्या इशन किशनने भर मैदानात काढला राग, कारवाई होणार ?
चेन्नईच्या ड्वेन ब्राव्होने गुजरातच्या फलंदाजांना रोखण्याचा पूर्ण प्रयत्न केला. त्याने चार षटकांत २३ धावा देत तीन बळी घेतले. माहीश तिक्षानाने दोन बळी घेतले. तर मुकेश चौधरी आणि रविंद्र जाडेजाने प्रत्येकी एक बळी घेत चेन्नईला विजय मिळवून देण्याचा प्रयत्न केला. मात्र त्यांना यश मिळू शकले नाही. तर गुजरातला लॉकी फर्ग्युसन हा फलंदाज सर्वात महाग पडला. त्याने चार षटकात ४६ धावा देत एकही बळी घेतला नाही.
