CSK vs GT Highlights: चेन्नईचा गुजरातवर ८३ धावांनी मोठा विजय, गुजरातला पराभवासह बसला मोठा धक्का

१९व्या षटकात अंशुल कंबोजच्या तिसऱ्या चेंडूवर धोनीने झेल टिपत साई किशोरला झेलबाद केलं अन् चेन्नईने ८३ धावांनी गुजरातवर मोठा विजय नोंदवला. चेन्नईचा कर्णधार म्हणून धोनीचा हा अखेरचा सामना होता. यासह गुजरातला प्लेऑफसाठी टॉप-२ मध्ये राहण्याच्या आशांना धक्का बसला आहे.

१६व्या षटकात नूर अहमदने राहुल तेवतियाला झेलबाद करत गुजरातला आठवा धक्का दिला आहे. यासह १६ षटकांत गुजरातने ८ विकेट्स गमावत १२६ धावा केल्या आहेत.

११ वे षटक टाकण्यासाठी रवींद्र जडेजाला पाचारण करण्यात आले आणि जड्डूने येताच आपल्या फिरकीची जादू दाखवली. जडेजाने पहिल्याच चेंडूवर शाहरूख खानला पथिरानाकरवी झेलबाद केलं. तर चौथ्या चेंडूवर साई सुदर्शनला शिवम दुबेकरवी झेलबाद करवत सामन्याचा चेहरामोहरा बदलला. यासह ११ षटकांत गुजरातने ५ बाद ८६ धावा केल्या आहेत. यासह गुजरातला विजयासाठी ५४ चेंडूत १४५ धावांची गरज आहे.

खलील अहमदने तिसऱ्या षटकातील चौथ्या चेंडूवर मोठा फटका खेळण्याच्या प्रयत्नात झेलबाद झाला. यानंतर पुढच्याच चौथ्या षटकात अंशुल कंबोजने तिसऱ्या चेंडूवर शेरफन रूदरफोर्डला खातेही न उघडता माघारी परतावं लागलं. यंदाच्या आयपीएलमध्ये पहिल्यांदाच ३.४ षटकांत तीन विकेट्स गमावले आहेत.

चेन्नई सुपर किंग्सच्या सर्व फलंदाजांनी योगदान देत यंदाच्या मोसमातील सर्वात मोठी धावसंख्या अखेरच्या सामन्यात उभारली आहे. आयुष म्हात्रेने चेन्नईच्या मोठ्या धावसंख्येचा पाया रचत कॉन्वे आणि डेवाल्ड ब्रेविसने या धावसंख्येला आकार दिला. यासह चेन्नई सुपर किंग्सने ५ विकेट्स गमावत २३० धावांचा डोंगर उभारला. आयुषने १७ चेंडूत ३४ धावांची खेळी केली. तर कॉन्वे आणि ब्रेविसने अर्धशतक झळकावत महत्त्वपूर्ण धावसंख्येची भर घातली. यासह गुजरात टायटन्सला विजयासाठी २३१ धावांचं आव्हान दिलं आहे.

चेन्नई सुपर किंग्सने यंदाच्या मोसमातील उत्कृष्ट फलंदाजी करत संघाने १७.५ षटकांत २०० धावांचा टप्पा गाठला. संघातील प्रत्येक फलंदाजाने आपलं योगदान दिले आहे.

शाहरूख खान १३वे षटक टाकण्यासाठी आला आणि त्याने तिसऱ्याच चेंडूवर मोठी विकेट मिळवून दिली. शिवम दुबे गुजरातविरूद्ध सामन्यात चौथ्या क्रमांकावर फलंदाजीला आला. पण त्याने येताच षटकार लगावत चांगली सुरूवात केली. शाहरूखने शिवम दुबेला १७ धावांवर झेलबाद केलं. यासह चेन्नईने १३ षटकांत ३ बाद १५० धावा केल्या.

चेन्नई सुपर किंग्सने पॉवरप्लेमध्ये १ बाद ६८ धावा केल्या आहेत. आयुष म्हात्रेच्या वादळी सुरूवातीनंतर उर्विल पटेल आणि कॉन्वेने संघाचा डाव सावरत आहेत.

आयुष म्हात्रे आणि डेव्हॉन कॉन्वेची जोडी फलंदाजीला आली आहे. आयुष म्हात्रेने एकट्याने २ षटकांत धावा केल्या आहेत. पहिल्या षटकात चौकार लगावत त्याने सकारात्मक सुरूवात केली. तर दुसऱ्या षटकात त्याने अरशद खानच्या गोलंदाजीवर जबरदस्त फटकेबाजी केली. आयुषने दुसऱ्या षटकात ३ षटकार आणि २ चौकार लगावत २८ धावा कुटल्या.

आयुष म्हात्रे, डेव्हॉन कॉनवे, उर्विल पटेल, रवींद्र जडेजा, देवाल्ड ब्रेविस, शिवम दुबे, दीपक हुडा, एमएस धोनी (कर्णधार/यष्टीरक्षक), नूर अहमद, अंशुल कंबोज, खलील अहमद