सिबॅस्टिन वेटेल अव्वल

तीन वेळा विश्वविजेतेपद मिळविणाऱ्या सिबॅस्टिन वेटेलने बहरीन ग्रां. प्रि. शर्यतीत अव्वल स्थान पटकावले. चुरशीच्या लढतीत जॅकी स्टेवर्टला मागे टाकत वेटेलने अव्वल स्थानावर कब्जा केला.

तीन वेळा विश्वविजेतेपद मिळविणाऱ्या सिबॅस्टिन वेटेलने बहरीन ग्रां. प्रि. शर्यतीत अव्वल स्थान पटकावले. चुरशीच्या लढतीत जॅकी स्टेवर्टला मागे टाकत वेटेलने अव्वल स्थानावर कब्जा केला.  
वेटेलचे गेल्या चार शर्यतीतील दुसरे विजेतेपद आहे. त्याचे हे कारकिर्दीतील २८ वे अजिंक्यपद आहे. वेटेलला शर्यतीत दुसरी पोल पोझिशन होती. त्याने तिसऱ्या फेरीच्या वेळी आघाडी घेतली आणि शेवटपर्यंत ती टिकविली. फ्रान्सच्या रोमेन ग्रोसजेन याने तिसरे स्थान पटकाविले. इंग्लंडच्या पॉल डीरेस्टा याला चौथ्या क्रमांकावर समाधान मानावे लागले. गतवर्षी वेटेल, स्टेवर्ट व ग्रोसजेन यांनीच येथे अनुक्रमे पहिले तीन क्रमांक मिळविले होते. २००८ चा विजेता लेविस हॅमिल्टन याला पाचवा क्रमांक मिळविताना झगडावे लागले. मेक्सिकनच्या सर्जी पेरेझ याला सहावा क्रमांक मिळाला.
पोलिस आणि शिया समर्थक यांच्यात झालेल्या संघर्षांमुळे या शर्यतीवर भीतीचे सावट होते. मात्र प्रचंड सुरक्षा व्यवस्था तैनात करण्यात आल्याने स्पर्धेदरम्यान कोणताही अनुचित प्रकार घडला नाही. या अव्वल जेतेपदासह सार्वकालिन ग्रां.प्रि. जेतेपदांच्या मांदियाळीत जॅकी स्टुअर्टला मागे टाकत सहावे स्थान पटकावले आहे.
ही शर्यत सुरेख झाली. संपूर्ण स्पर्धेत मला साथ देणाऱ्या माझ्या संघाचे मला आभार मानायचे आहेत. मी अनपेक्षित वेग घेतला होता. माझ्या गाडीनेही चांगली साथ दिली. आम्ही गाडीच्या चाकांची योग्य देखभाल घेतली आणि त्याचे फळ आम्हाला मिळाले असे वेटेलने जेतेपद पटकावल्यानंतर बोलताना सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sebastian vettel top seeded

ताज्या बातम्या