Travis Head’s century in WTC Final Match: डब्ल्यूटीसी फायनल सामन्यातील पहिल्या दिवशी ऑस्ट्रेलियानं भारताला बॅकफूटवर ढकललं आहे. पहिल्या दिवसाचा खेळ संपला तेव्हा ऑस्ट्रेलियाने ३ बाद ३२७ धावांचा डोंगर उभा केला. ट्रॅव्हिस हेड १४६ धावांवर तर स्टीव्ह स्मिथ ९५ धावांवर नाबाद आहेत. दोघांमध्ये आतापर्यंत २५१ धावांची नाबाद भागीदारी झाली आहे. ट्रॅव्हिस हेडने आपल्या शतकाच्या जोरावर एक मोठा विक्रम केला आहे.

ट्रॅव्हिस हेडचे कसोटीतील हे सहावे शतक आहे. हेडने आपल्या शतकी खेळीत एक खास विक्रमही केला आहे. वर्ल्ड टेस्ट चॅम्पियनशिप फायनलच्या इतिहासात शतक झळकावणारा ट्रॅव्हिस हेड जगातील पहिला फलंदाज ठरला आहे. याशिवाय, हेडच्या शतकासह ४८ वर्षांनंतर प्रथमच असे घडले आहे, जेव्हा डाव्या हाताच्या फलंदाजाने आयसीसी फायनलमध्ये पाचव्या क्रमांकावर शतक ठोकले आहे.

आणखी वाचा
AUS vs SCO Australia Team video viral with interesting Trophy
२६००० किमीचा प्रवास करुन ऑस्ट्रेलियाला मिळालं वाडगं; चाहत्यांच्या मजेशीर प्रतिक्रियेने वेधलं लक्ष
15th September Rashi Bhavishya & Marathi Panchang
१५ सप्टेंबर पंचांग: आनंदाची वार्ता ते प्रेम, मैत्रीची साथ; १२ पैकी कोणत्या राशीचा हसत-खेळत जाणार रविवार; वाचा तुमचे राशिभविष्य
fritz sinner advance to final in 2024 us open
सिन्नेरचा अंतिम फेरीत प्रवेश ; उपांत्य लढतीत ड्रॅपरवर मात; अमेरिकेच्या फ्रिट्झचे आव्हान
Priyansh Arya hitting six consecutive sixes in an over
DPL 2024 : ६,६,६,६,६,६…भारताच्या ‘या’ फलंदाजाने केला युवराजसारखा पराक्रम, विक्रमी शतकासह धावसंख्येचाही विक्रम
Rahul Dravid son Samit included in team india
IND vs AUS : ऑस्ट्रेलियाविरुद्धच्या घरच्या मालिकेसाठी टीम इंडियाची घोषणा, राहुल द्रविडच्या मुलाला मिळाली संधी
Ravichandran Ashwin on Rohit Sharma about IPL 2025
रोहित IPL 2025 मध्ये मुंबईकडून खेळणार की नाही? अश्विनने दिले उत्तर; म्हणाला, ‘तो अशा खेळाडूंपैकी आहे जे…’
Australia Mitchell Starc Statement on the Border Gavaskar Trophy sport news
अॅशेसइतकेच महत्त्व! बॉर्डर-गावस्कर करंडकाबाबत ऑस्ट्रेलियाच्या मिचेल स्टार्कचे विधान
Darius Visser Breaks Yuvraj Singhs Record of Most Runs in Single Over with 39 runs
39 Runs In An Over: एका षटकात ३९ धावा… ‘या’ फलंदाजाने मोडला युवराज सिंगचा वर्ल्ड रेकॉर्ड, एका ओव्हरमध्ये ६ षटकार

तब्बल ४८ वर्षांनंतर असा योगायोग घडला –

यापूर्वी १९७५ च्या विश्वचषकात असा पराक्रम घडला होता. त्या विश्वचषकाच्या फायनलमध्ये वेस्ट इंडिजचा कर्णधार क्लाईव्ह लॉईडने पाचव्या क्रमांकावर शतक झळकावले होते. आता तब्बल ४८ वर्षांनंतर असा योगायोग घडला आहे. यासह स्टीव्ह स्मिथ आणि ट्रॅव्हिस हेड ही जागतिक कसोटी चॅम्पियनशिपच्या अंतिम फेरीत २०० धावांची भागीदारी करणारी पहिली जोडी ठरली आहे. दोघांनी मिळून भारतीय गोलंदाजांना खूप त्रास दिला. त्याच वेळी, हेड आयसीसी फायनलमध्ये शतक झळकावणारा जगातील केवळ तिसरा फलंदाज बनला आहे.

हेही वाचा – IND vs AUS WTC Final 2023: आश्विनला वगळण्यावर टीम इंडियाचे गोलंदाजी प्रशिक्षक पारस म्हांबरेनी दिली प्रतिक्रिया; म्हणाले, “आम्ही…”

आयसीसीच्या फायनलमध्ये शतक झळकावणारे खेळाडू –

१.एकदिवसीय विश्वचषक: क्लाइव्ह लॉईड (वेस्ट इंडिज) विरुद्ध ऑस्ट्रेलिया, १९७५
२. चॅम्पियन्स ट्रॉफी: फिलो वॉलेस (वेस्ट इंडिज) विरुद्ध दक्षिण आफ्रिका, १९९८
३. डब्ल्यूटीसी फायनल: ट्रॅव्हिस हेड (ऑस्ट्रेलिया) विरुद्ध भारत, २०२३

हेही वाचा – IND vs AUS WTC 2023 Final: अश्विनला न खेळवण्यावर सुनील गावस्करांनी उपस्थित केला मोठा प्रश्न; म्हणाले, “रोहित शर्माचा…”

पहिल्या दिवसाच्या खेळाबद्दल बोलायचे, तर नाणेफेक गमावून प्रथम फलंदाजी करताना ऑस्ट्रेलियाने ८५ षटकांनंतर ३ बाद ३२३ धावा केल्या आहेत. सध्या खेळपट्टीवर ट्रॅव्हिस हेड (१४६) आणि स्टीव्ह स्मिथ (९५) धावांवर खेळत आहे. तत्पुर्वी उस्मान ख्वाजा (०) आणि डेव्हिड वार्नर ४३ धावांवर बाद झाला. तसेच मार्नस लाबूशेन २६ धावांचे योगदान देऊन बाद झाला. भारताकडून गोलंदाजी करताना मोहम्मद सिराज, मोहम्मद शमी आणि शार्दुल ठाकुरने प्रत्येकी १-१ विकेट घेतली. बाद झालेल्या तिन्ही फलंदाजांचे झेल यष्टिरक्षक श्रीकर भरतने टिपले.