Pakistan Team on Hydrabadi Biryani: एकदिवसीय विश्वचषक २०२३साठी भारतात आल्यापासून पाकिस्तान क्रिकेट संघ खरोखरच सर्व गोष्टींचा आनंद घेत आहे. हैदराबादमध्ये न्यूझीलंडविरुद्धच्या त्यांच्या पहिल्या सराव सामन्यानंतर, बाबर आझमच्या संघाने भव्य डिनरचा आनंद लुटला आणि चाहत्यांबरोबर काही सेल्फीही काढल्या. त्यांचा हा व्हिडीओ सध्या सोशल मीडियावर खूप व्हायरल होत आहे. पाकिस्तानी क्रिकेटपटूंनी हैदराबादी बिर्याणीचा आस्वाद घेत येथेच्छ ताव मारला. जेव्हा पासून पाकिस्तानी संघाने भारतात पाऊल ठेवले आहे तेव्हापासून त्यांची खूप चंगळ सुरु आहे. पाकिस्तान क्रिकेट बोर्डाच्या अधिकृत ट्वीटरवर टीम डिनरचा एक व्हिडीओ शेअर केला आहे, जिथे खेळाडू मजा करताना दिसतात. पाक क्रिकेट संघाने रेस्टॉरंटमध्ये प्रवेश करताच टाळ्यांच्या कडकडाटासह त्यांचे स्वागत करण्यात आले. त्यांना दिलेली वागणूक आणि जेवण पाहून पाकिस्तान क्रिकेट संघ भारताच्या आदरातिथ्याने खूपच प्रभावित झाला. पाकिस्तानची वर्ल्डकपची चांगली सुरुवात झाली नाही आणि शुक्रवारी सराव सामन्यात न्यूझीलंडविरुद्ध पराभवाचा सामना करावा लागला. राजीव गांधी आंतरराष्ट्रीय स्टेडियमवर प्रथम फलंदाजी करताना पाकिस्तानने ३४५ धावांची मोठी धावसंख्या उभारली. परंतु, त्यांच्या गोलंदाजांना लक्ष्याचा बचाव करता आला नाही. किवींनी अवघ्या ४३.४ षटकांत लक्ष्य गाठले. पाकिस्तानकडून मोहम्मद रिझवान (१०३), बाबर आझम (८०) आणि सौद शकील (७५) यांनी चांगली कामगिरी केली. रिझवान म्हणाला, “शतक हे शतक असते, याचा मला अभिमान आणि आनंद आहे. शतक झळकावणे हे पाकिस्तानसाठी नेहमीच खास असते. भारतीय प्रेक्षकांनी आम्हाला विमानतळावरच भरभरून प्रेम दिले, जसे आमचे चाहते पाकिस्तानात आमच्यावर प्रेम करतात. आमचे जे स्वागत झाले त्यामुळे आम्ही खूप भारावून गेलो आहोत. टी२० आंतरराष्ट्रीय मध्ये मी पाकिस्तानसाठी सलामीला फलंदाजी करतो, कसोटीत मी ६-७व्या क्रमांकावर फलंदाजी करतो आणि एकदिवसीय मध्ये मी चौथ्या क्रमांकावर फलंदाजी करतो. संघाला माझी गरज जिथे असेल त्यानुसार मी खेळतो.” हेही वाचा: Asian Games 2023: चीनमध्ये घुमला महाराष्ट्राचा आवाज! मराठमोळ्या अविनाश साबळेची सुवर्णपदकाला गवसणी १० पैकी ३ सराव सामने पावसामुळे रद्द झाले, उर्वरित ५ सामन्यांवरही पावसाचा धोका आहे भारतीय क्रिकेट संघ तिरुअनंतपुरम येथील ग्रीनफील्ड स्टेडियमवर नेदरलँड्सविरुद्ध आपला पुढील सराव सामना खेळणार आहे. विश्वचषक स्पर्धेची मुख्य स्पर्धा ५ ऑक्टोबरपासून सुरू होणार आहे परंतु त्याआधी सर्व संघ सराव सामने खेळत आहेत. भारताचा मागील सराव सामना महत्त्वाचा होता कारण तो गतविजेत्या इंग्लंडविरुद्ध होता पण पावसामुळे सामना होऊ शकला नाही. मागील ५ पैकी ३ सामने पावसामुळे रद्द झाला असून आगामी सामन्यांसाठीही हवामान चांगले नाही. भारत विरुद्ध नेदरलँड सामन्यासह अजून ५ सराव सामने खेळायचे आहेत, परंतु पावसामुळे या सामन्यांमध्येही व्यत्यय येऊ शकतो. हेही वाचा: Asian Games: तजिंदरपाल सिंग तूरची ऐतिहासिक कामगिरी! एशियन गेम्समध्ये जिंकले सलग दुसरे गोल्ड मेडल, भारताच्या खात्यात एकूण ४५ पदके हैदराबादमधील हवामान स्थिती हैदराबादमध्ये परिस्थिती थोडी चांगली आहे. मंगळवारी येथे ढगाळ वातावरण असेल पण पावसाची शक्यता फारच कमी आहे. पाकिस्तान आणि ऑस्ट्रेलियासाठी ही चांगली गोष्ट आहे, कारण दोन्ही संघ मजबूत आहेत आणि सराव सामना महत्त्वाचा असेल. सकाळी येथे पावसाची शक्यता १० टक्के आहे जी जसजसा दिवस पुढे जाईल तसतसा कमी होईल.
