Okra Water Benefits: वाढत्या वयासह आपल्या शरीरातील अवयवदेखील आरोग्याकडे सर्वाधिक लक्ष देण्याचे संकेत देऊ लागतात. अशावेळी आपल्या आहारात नैसर्गिक, पोषक तत्वांनी समृद्ध असलेल्या पर्यायांची निवड करणे अत्यंत महत्त्वाचे आहे.
भारतातील अनेक घरांमध्ये आठवड्यातून किमान एकदा तरी भेंडीची भाजी बनवली जाते. बरेचजण ही भाजी आवडीने खातात. भेंडीची भाजी आरोग्यासाठी अत्यंत पौष्टिक असते, पण भाजीव्यतिरिक्त भेंडीचे पाणीही आरोग्यासाठी खूप लाभदायी मानले जाते. भेंडी पाण्यात भिजवून बनवलेले एक साधे मिश्रण, ३० आणि ४० वय असणाऱ्यांसाठी आश्चर्यकारकपणे गुणकारी मानले जात आहे. असे हैदराबादमधील बंजारा हिल्स येथील केअर हॉस्पिटल्समधील क्लिनिकल डायटिशियन सुषमा म्हणाल्या .
४० वर्षांच्या व्यक्तींसाठी भेंडीचे पाणी का उत्तम आहे?
सुषमा यांच्या मते, भेंडीच्या पाण्यात भरपूर पोषक तत्वे असल्याने त्याचे अनेक फायदे आहेत.
पोषक तत्वांनी समृद्ध : भेंडीमध्ये अ, क आणि के सारखे आवश्यक जीवनसत्त्वे, मॅग्नेशियम आणि फोलेटसारखी खनिजे भरपूर असतात. ३० ते ४० वयाच्या आसपास असलेल्यांना शरीर वृद्धत्वाच्या प्रक्रियेशी जुळवून घेत असताना हे आणखी महत्त्वाचे बनतात.
अँटिऑक्सिडंटचे पॉवरहाऊस : भेंडीमध्ये फ्लेव्होनॉइड्स आणि पॉलीफेनॉलसह अँटीऑक्सिडंट घटक असल्याने ते फ्री रॅडिकल्सशी लढते. हे जळजळ आणि ऑक्सिडेटिव्ह ताणाशी लढण्यास मदत करते, ज्यामुळे दीर्घकालीन आजारांचा धोका कमी होतो आणि वयानुसार एकूणच आरोग्य सुधारते.
रक्तातील साखरेचे समर्थन : अभ्यासातून असे दिसून आले आहे की, भेंडी रक्तातील साखरेची पातळी नियंत्रित करण्यात भूमिका बजावू शकते. हे विशेषतः ४० वर्षांच्या लोकांसाठी महत्त्वाचे आहे, कारण वयानुसार टाइप २ मधुमेह होण्याचा धोका वाढतो.
हृदय आरोग्यासाठी उपयुक्त : भेंडीमधील विरघळणारे फायबर वाईट कोलेस्ट्रॉलची पातळी कमी करण्यास मदत करू शकते, ज्यामुळे हृदयरोगाचा धोका कमी होतो, जो वयानुसार वाढत जाणारा चिंतेचा विषय आहे.
पचनास मदत : भेंडीतील उच्च फायबर सामग्री निरोगी पचनास प्रोत्साहन देते आणि बद्धकोष्ठता प्रतिबंधित करते, ही एक सामान्य समस्या आहे, कारण वयानुसार आपला चयापचय दर मंदावतो.
त्वचेचे हायड्रेशन आणि चमक : भेंडीचे पाणी चांगले हायड्रेशन करण्यास मदत करते, जे त्वचेची लवचिकता राखण्यासाठी आणि कोरडेपणा रोखण्यासाठी आवश्यक आहे.
या गोष्टी लक्षात ठेवा
भेंडीच्या पाण्याचे अनेक फायदे असले तरी, काही गोष्टी लक्षात ठेवल्या पाहिजेत, असे सुषमा म्हणाल्या:
ऑक्सॅलेट्स : भेंडीमध्ये ऑक्सॅलेट्स असतात, जे संवेदनशील व्यक्तींमध्ये मूत्रपिंडातील दगड निर्माण करण्यास कारणीभूत ठरू शकतात. जर तुम्हाला अशी समस्या आधीपासून असेल तर भेंडीचे पाणी पिण्यापूर्वी तुमच्या डॉक्टरांचा सल्ला घ्या.
पचनाचा त्रास : जास्त फायबरमुळे काही लोकांमध्ये गॅस किंवा पोटफुगी होऊ शकते.
ॲलर्जी : भेंडीची ॲलर्जी दुर्मीळ असली तरी त्यामुळे खाज सुटणे, सूज येणे आणि श्वास घेण्यास त्रास होऊ शकतो.
एक ग्लास भेंडीचे पाणी बनवण्यासाठी, तुम्हाला फक्त काही कापलेली भेंडी रात्रभर पाण्यात भिजवावी लागेल.
चाळिशीत तुमचे आरोग्य सुधारण्यासाठी भेंडीचे पाणी हे एक साधे पण प्रभावी मार्ग आहे. त्याच्या समृद्ध पोषक तत्वांमुळे आणि संभाव्य आरोग्य फायद्यांमुळे, ते तुमच्या आहारात एक मौल्यवान भर असू शकते. कोणत्याही संभाव्य धोक्यांबद्दल जागरूक राहा आणि तुम्हाला काही चिंता असल्यास तुमच्या डॉक्टरांचा सल्ला घ्या.
