व्यवसाय सुरु करणार आहात? मग यशस्वी उद्योजक होण्यासाठी ‘या’ महत्वाच्या ४ टिप्स जाणून घ्या

फ्युजन मीडियाचे संस्थापक आणि सीईओ सुशील तिवारी सांगतात की, व्यवसाय सुरू करताना काही टिप्स आणि युक्त्या वापरल्या तर प्रत्येक व्यवसाय यशस्वी होऊ शकतो. व्यवसाय टिकवणे हे एक मोठे आव्हान आहे, ज्याचा सामना फार कमी लोक करू शकतात. शिवाय एखादा छोटासा व्यवसाय सुरू करण्यासाठी आणि तो यशस्वीपणे टिकवण्यासाठी कशावर लक्ष केंद्रित करायला हवं, असा प्रश्न अनेकांना पडतो. सुशील तिवारी सांगतात की, ते अनेक छोट्या आणि मोठ्या कंपन्यांना डिजिटल माध्यमात नेण्यासाठी मदत करतात शिवाय लघु उद्योजकांसाठी काही व्यावसायिक टिप्सदेखील गरजेचं असल्याचं ते सांगतात.

हेही वाचा- परंपरेसह फॅशनही! कांजीवरपासून पटोलापर्यंत, प्रत्येक भारतीय महिलेकडे असायलाच हव्या ‘या’ ५ प्रसिद्ध हँडलूम साड्या!

व्यवसाय सुरू करण्यापूर्वी ‘या’ ५ गोष्टींकडे लक्ष द्या –

संशोधन –

अनेक लोक व्यवसायात शेवटपर्यंत टिकू न शकण्याचे सर्वात मोठे कारण म्हणजे संशोधनाचा अभाव. अनेकवेळा काहीजण जोशमध्ये येऊन किंवा एखाद्याला पाहून घाईघाईने व्यवसाय करतात. अशा स्थितीत त्यांना भविष्यात अनेक आव्हानांना सामोरे जावे लागते. त्यामुळे जर तुम्हाला व्यवसाय सुरू करायचा असेल तर सर्वात आधी तुम्ही जास्त वेळ संशोधन करण्यावर खर्च करा. कारण तुम्ही तुमचे उत्पादन किंवा सेवा किती काळ बाजारात टिकवू शकता हे तुमच्या संशोधनावर अवलंबून असते.

पैशाचा योग्य वापर –

भांडवलाशिवाय तुम्ही व्यवसायाची कल्पनाही करू शकत नाही हे १००% खरे आहे. मात्र, आणखी एक सत्य हेही आहे की व्यवसायात जास्त पैसे गुंतवल्याने यश मिळतेच असं नाही. अशा परिस्थितीत तुमच्या व्यवसायाचे स्वरूप समजून घेणे आणि गरज असेल तेवढे पैसे गुंतवणे महत्त्वाचे आहे. व्यवसायाचे स्वरूप प्रत्येक क्षणी बदलत असते. अशा परिस्थितीत एकत्र गुंतवणूक करणे शहाणपणाचे नाही. अशा वेळी तुम्ही तज्ज्ञांचे मत घेणे गरजेचं आहे.

हेही वाचा- Mental Health Special: स्क्रीनसमोर जेवणाऱ्या मुलांना ‘भवताल भान’ कसं येणार?

वेळ देणे –

जर तुम्ही व्यवसाय सुरू करण्याचा विचार करत असाल तर तुम्हाला तुमच्या व्यवसायासाठी खूप वेळ द्यावा लागेल. कारण सुरुवातीच्या दिवसांमध्ये तुम्हाला अनेक आव्हानांना सामोरे जावे लागेल आणि त्यांना सामोरे जाण्यासाठी तुम्हाला खूप ताकद खर्च करावी लागेल. यासाठी, तुमच्याकडे उत्तम टाईम मॅनेजमेंट कौशल्ये असणं गरजेचं आहे. जे तुमच्या व्यवसायासाठी तसेच तुमच्या आरोग्यासाठी एक अलार्म म्हणून काम करेल. याचे कारण असे की लोक अनेकदा त्यांच्या कामात इतके व्यस्त होतात की ते आरोग्याकडे दुर्लक्ष करतात.

तंत्रज्ञान –

आजचे युग हे तंत्रज्ञानाचे युग मानले जाते. त्यामुळे आजच्या काळात तंत्रज्ञानाचा वापर केल्याशिवाय व्यवसायात यशस्वी होणं अशक्य आहे. तुम्हीही तुमचा छोटासा व्यवसाय सुरू करत असाल तर तंत्रज्ञानाच्या वापरासाठी काही पैसे शिल्लक ठेवा. कारण तंत्रज्ञानाचा वापर करून तुम्ही तुमचा वेळ तर वाचवू शकताच, पण कमी खर्च करूनही नफाही मिळवू शकता. अशा अनेक कंपन्या आहेत, ज्या छोट्या व्यावसायिकांना कमी किमतीत संगणक आणि इतर तांत्रिक उत्पादने देऊन मदत करतात, ज्यांची तुम्ही मदत घेऊ शकता.