News Flash

मगरीने केलेल्या हल्ल्यात सांगलीत मुलगा बेपत्ता

मुलावर मगरीने हल्ला करत त्याला खोल पात्रात ओढून नेण्याची घटना ब्रह्मनाळ गावी आज दुपारी घडली

संग्रहित छायाचित्र

पलूस तालुक्यातील ब्रह्मनाळ गावातील घटना

सांगली : कृष्णा नदीत पोहण्यास गेलेल्या मुलावर मगरीने हल्ला करत त्याला खोल पात्रात ओढून नेण्याची घटना पलूस तालुक्यातील ब्रह्मनाळ गावी आज दुपारी घडली. या हल्ल्यानंतर हा मुलगा बेपत्ता झाला असून सायंकाळी उशिरापर्यंत त्याचा शोध लागलेला नव्हता. सागर सिद्ध ढग (वय १५) असे बेपत्ता झालेल्या मुलाचे नाव आहे.

मुळचा कर्नाटकात राहणारा सागर सुटीसाठी मामाच्या ब्रह्मनाळ गावी आला होता. आज दुपारी तो गावाजवळील कृष्णेत पोहण्यासाठी गेला असता त्याच्यावर मगरीने हल्ला केला. त्याच्यावर हल्ला होताच त्याने केलेल्या आरडाओरडय़ामुळे काठावरील नागरिकांना ही घटना समजली. त्यांनी लगेचच त्याला वाचवण्यासाठी धाव घेतली. परंतु मगरीने सागरला नदीच्या खोल पात्रात ओढून नेल्याने तो सापडू शकला नाही. दरम्यान गावक ऱ्यांनी काही नावाडी आणि वन विभागाच्या कर्मचाऱ्यांच्या मदतीने लगेचच शोधमोहीम सुरू केली. पण सायंकाळी उशिरापर्यंत सागरचा शोध लागला नाही.

सांगली जिल्ह्य़ातून वाहणाऱ्या कृष्णा नदीमध्ये मगरींचा मोठा वावर आहे. गेल्या काही दिवसांपासून या मगरींच्या हल्ल्याच्या घटनांमध्येही वाढ झाली आहे. सांगली शहरानजीकही काही दिवसांपूर्वी पोहणाऱ्यांच्या जवळ एका मगरीने येत हल्ल्याचा प्रयत्न केला होता. आजच्या या घटनेने कृष्णा काठ पुन्हा एकदा हादरला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 21, 2018 2:42 am

Web Title: 15 year old boy missing after crocodile attack in krishna river
Next Stories
1 कोणतीच संस्था शुद्ध ठेवू देणार नाही असा काही लोकांचा पण
2 ‘महाराष्ट्र दिन’ श्रमदानाने साजरा करावा
3 फाईल्स डिजिटल, ब्रेल लिपित नसल्यामुळे अंध अधिकाऱ्यांना सहायकाची आवश्यकता
Just Now!
X