25 January 2021

News Flash

महाराष्ट्रात १५७६ नवे करोना रुग्ण, ४९ मृत्यू, रुग्णसंख्या २९ हजारांच्याही पुढे

महाराष्ट्राच्या आरोग्य विभागाने ही माहिती दिली आहे

नोव्हाव्हॅक्सला लस संशोधनासाठी डॉलरच्या स्वरुपात मोठा निधी उपलब्ध करुन देण्यात आला आहे. नोव्हाव्हॅक्सने आधी प्राण्यांवर लसीची चाचणी घेतली.

महाराष्ट्रात करोनाचे १५७६ नवे रुग्ण पॉझिटिव्ह आढळले आहेत. तर करोनामुळे ४९ जणांचा मृत्यू झाला आहे. सध्याच्या घडीला २१ हजार ४६७ रुग्णांवर उपचार सुरु आहेत तर ६ हजार ४५४ रुग्णांना डिस्चार्ज देण्यात आला आहे. आत्तापर्यंत करोनाची लागण होऊन महाराष्ट्रात १०६८ रुग्णांचा मृत्यू झाला आहे. राज्याच्या आरोग्य विभागाने ही माहिती दिली आहे. आत्तापर्यंत करोनाची लागण झालेल्या महाराष्ट्रातील रुग्णांची संख्या २९ हजार १०० इतकी झाली आहे. आज ५०५ रुग्णांना डिस्चार्ज देण्यात आला आहे.

आज राज्यात ४९ रुग्णांचा करोनामुळे मृत्यू झाला. त्यामध्ये मुंबईत ३४, पुण्यात ६, अकोल्यात २, कल्याण डोंबिवलीत २, धुळ्यात २, पनवेलमध्ये १, जळगावमध्ये १ तर औरंगाबादमध्ये १ मृत्यूची नोंद झाली आहे. आज झालेल्या मृत्यूंपैकी २९ महिला तर २० पुरुष आहेत. आज झालेल्या ४९ मृत्यूंपैकी ६० वर्षे किंवा त्यावरील वयाचे २२ रुग्ण होते. तर ४० ते ५९ वर्षे वयोगटातले २३ रुग्ण होते. मृत्यू झालेल्या ४९ रुग्णांपैकी ३२ रुग्णांमध्ये मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत. करोनाची लागण झाल्याने राज्यात झालेल्या मृत्यूंची संख्या आता १०६८ झाली आहे.

आजपर्यंत पाठवण्यात आलेल्या २ लाख ५० हजार ४३६ नमुन्यांपैकी २ लाख २१ हजार ३३६ जणांचे नमुने करोनासाठी निगेटिव्ह आले आहेत. तर २९ हजार १०० जणांचे नमुने पॉझिटिव्ह आले आहेत. सध्या राज्यात ३ लाख २९ हजार ३०२ लोक होम क्वारंटाइन आहेत. तर १६ हजार ३०६ लोक संस्थात्मक क्वारंटाइन आहेत असंही आरोग्य विभागाने स्पष्ट केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 15, 2020 9:13 pm

Web Title: 1576 new covid19 positive cases 49 deaths reported in maharashtra today taking the total number of cases to 21467 deaths to 1068 scj 81
टॅग Coronavirus
Next Stories
1 पंतप्रधान नरेंद्र मोदींच्या नेतृत्वाचे कौतुक करताना नितीन गडकरी म्हणाले…
2 Coronavirus : चंद्रपूर जिल्ह्यातील 317 नमुन्यांपैकी 280 नमुने निगेटिव्ह
3 दिल्लीत अडकलेले महाराष्ट्रातील विद्यार्थी अखेर परतणार
Just Now!
X