27 September 2020

News Flash

पाच दिवसांत तीन नीलगायींचा मृत्यू

सिद्धार्थ प्राणिसंग्रहालयातील ११ पैकी ३ नीलगायींचा पाच दिवसांत गूढ आजाराने मृत्यू झाला. हा मृत्यू न्यूमोनिया की तोंड येणे किंवा अन्य काही कारणांनी झाला

| August 17, 2013 04:24 am

सिद्धार्थ प्राणिसंग्रहालयातील ११ पैकी ३ नीलगायींचा पाच दिवसांत गूढ आजाराने मृत्यू झाला. हा मृत्यू न्यूमोनिया की तोंड येणे किंवा अन्य काही कारणांनी झाला, याचे निदान होऊ शकले नाही. आणखी दोन नीलगायींवर विशेष लक्ष ठेवले जात असल्याचे सांगण्यात आले. दरम्यान, या प्रकारानंतर उर्वरित सर्व नीलगायींना वेगळे ठेवण्यात आले असून पुरेशी औषधे उपलब्ध नसल्याने मुंबईहून ती मागविण्याचा प्रयत्न सुरू असल्याची माहिती मिळाली.
दगावलेली जनावरे एक ते दोन वर्षे वयाची वासरे आहेत. या शिवाय तीन ते चार वर्षांच्या दोन नीलगायी आजाराने त्रस्त आहेत. मात्र, हा आजार कोणता, हे अजून निश्चित होऊ शकले नाही. तोंडामध्ये चट्टे दिसणे व फुफ्फुस खराब होणे अशा प्रकारचा हा आजार असल्याचे सांगितले जाते. तोंड येणे (व्हॅसिक्युलर स्टोमॅटायटिस) किंवा न्यूमोनिया यापैकी हा आजार असू शकतो. लाळ्या खुरकतासारख्या तोंड येण्याच्या आजाराची जनावरांना बाधा होण्याचा प्रकार बळावू शकतो, असे पशुवैद्यकांचे म्हणणे आहे. दगावलेल्या वासरांचा शवविच्छेदन अहवाल मुंबईला पाठविण्यात आला. तसेच पुणे व उदगीर येथेही लाळेचे नमुने तपासणीस पाठविले आहेत.
सुमारे ८-९ वर्षांपूर्वीही याच उद्यानात १३-१४ नीलगायींचा मृत्यू झाला होता. मात्र, आता घडलेल्या नीलगायींच्या मृत्यूचे नेमके कारण काय, हे समजल्यानंतरच उपायांची दिशा निश्चित होऊ शकेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2013 4:24 am

Web Title: three nilgai dies within five days
टॅग Aurangabad
Next Stories
1 मंदिरातील चोरी करणाऱ्या चोरटय़ांना अटक
2 अजितदादांचे वाग्बाण कोणावर?
3 महसूल विभागाचे कर्मचारी बेमुदत संपावर
Just Now!
X