Maharashtra Live News Updates, 22 July : विधीमंडळाचं अधिवेशन संपल्यानंतर कृषीमंत्री माणिकराव कोकाटेंचा एक व्हिडीओ व्हायरल झाला आहे. अधिवेशनादरम्यान सभागृहात मोबाईलवर पत्ते खेळत असल्याचा कथित व्हिडिओ प्रत्येकाच्या फोनवर दिसत आहे. यावरून कोकाटेंवर मोठ्या प्रमाणात टीका होत आहे. तसेच माणिकराव कोकाटेंच्या राजीनाम्याची मागणी होत आहे. मुख्यमंत्री देवेंद्र फडणवीस व उपमुख्यमंत्री अजित पवार यांनी कोकाटेंबाबत नाराजी व्यक्त केली आहे. अशातच माणिकराव कोकाटे आज पत्रकार परिषद घेणार आहेत. कोकाटे आज राजीनाम्याची घोषणा करणार का याकडे सर्वांचं लक्ष लागलं आहे. या पत्रकार परिषदेकडे व संबंधित घडामोडींकडे आपलं लक्ष असेल.
दरम्यान, हनी ट्रॅप प्रकरणावरून राज्यातलं वातावरण चांगलंच तापलं आहे. याप्रकरणी प्रफुल्ल लोढाच्या अटकेची मागणी होत आहे. तसेच, मंत्री व भाजपा नेते गिरीश महाजन हे सदर हनी ट्रॅप मंडळाचे अध्यक्ष असल्याची टीका शिवसेनेने (ठाकरे) ‘सामना’ या त्यांच्या मुखपत्रातून केली आहे. या हनी ट्रॅप प्रकरणाशी संबंधित सर्व घडामोडींचा आढावा आपण या लाइव्ह न्यूज ब्लॉगद्वारे घेणार आहोत.
यासह उपराष्ट्रपती जगदीप धनखड यांचा राजीनामा, गिरीश महाजन व एकनाथ खडसेंमधील संघर्ष, फडणवीस व अजित पवारांचा वाढदिवस, राज्य सरकारचं त्रिभाषा सूत्र, त्यावरील केंद्राची प्रतिक्रिया, बीडमधील संतोष देशमुख हत्या प्रकरणी न्यायालयात आज होणारी सुनावणी, कोल्हापूर जिल्हा बँकेच्या अध्यक्षपदावरून सुरू असलेला संभ्रम यासह राज्यातील सर्व राजकीय व सामाजिक घडामोडींचा आढावा आपण घेणार आहोत.
महाराष्ट्र आणि देशभरातील राजकीय तथा सामाजिक बातम्यांचा आढावा.
ठाणे : शेतकऱ्यांप्रमाणे आम्हीही आत्महत्या करायच्या का? देयके मिळत नसल्यामुळे ठेकेदारांचा सवाल
ठाणे महापालिकेवर मुंब्य्राचा कचरा फेकण्यासाठी वाहने निघाली पण, पोलिसांनी शरद पवार गटाच्या नेत्यांना रोखले अन्…
प्रशासकीय घोळात शिक्षकांचे वेतन रखडले, उल्हासनगर पालिकेतील नियुक्तांच्या घोळाचा फटका
कडोंमपा शाळेतील ओस पडलेल्या आरोग्यवर्धिनी केंद्रांच्या फर्निचरवर लाखोची उधळपट्टी
ठाण्यात बासरी स्वर गुंजणार, पद्मविभूषण पंडित हरिप्रसाद चौरसिया यांची उपस्थिती
अधिकच्या परताव्याचे मोह, महिलेने ३१ लाख गमावले; शेअर बाजारातील गुंतवणुकीच्या नावे ऑनलाईन फसवणूक
कल्याणमध्ये नांदिवलीतील रुग्णालयात स्वागतिकेला तरूणाची बेदम मारहाण
धर्मापलीकडच्या पर्यावरणाचा 'श्रीगणेशा', मुस्लिम बहुल शाळांमध्येही 'साकारतोय बाप्पा'
अंबरनाथमध्ये उभा राहणार जिल्हा परिषदेचा पहिला मॉल, महिला बचत गटांना मिळणार हक्काची बाजारपेठ
माणिकराव कोकाटे यांच्यावर नाशिकमध्ये ठाकरे गटाकडून पत्ते फेकण्याचा प्रयत्न
डोंबिवली जवळील गोळवलीत बेकायदा बांधकाम करणाऱ्या नऊ जणांवर ‘एमआरटीपी’चा गुन्हा
आई व पत्नीच्या नावाने डान्सबार काढून बायका नाचवता, लाज वाटत नाही का? अनिल परबांचा गृहराज्यमंत्र्यांवर हल्लाबोल
महाराष्ट्रातील गृहराज्यमंत्र्यांच्या आईच्या नावाने डान्सबार चालतो. त्यावर कारवाई कोण करणार? अशाप्रकारे डान्सबारमध्ये पोरी नाचवून अश्लीलता पसरावायला लाज वाटत नाही का, असा सवाल शिवसेनेचे (ठाकरे) आमदार अनिल परब यांनी उपस्थित केला आहे. परब यांनी मंगळवारी मुंबईत पत्रकार परिषद बोलावली होती. यावळी त्यांनी कांदिवली येथील कदम कुटुंबीयांची मालकी असलेल्या 'सावली' या बारचा मुद्दा पुन्हा उचलून धरला.
बारा दिवसानंतर संस्थाचालक दाम्पत्याला पोलिसांकडून अटक; मारहाणीत पालकाचा मृत्यू झाल्याचे प्रकरण
ठाणे: उपमुख्यमंत्री निरोगी महिला अभियानास प्रतिसाद, पहिल्याच दिवशी २७९ महिलांनी केली आरोग्य तपासणी
चव्हाण गटाचे हनमंतराव बेटमोगरेकर नांदेड बँकेचे नवे उपाध्यक्ष !
तरुणीला आंटी म्हणाला म्हणून भाजीविक्रेत्याला बेदम मारहाण, ठाण्यातील हिरानंदानी इस्टेट भागातील घटना
वाल्मीक कराडचा दोष मुक्ती अर्ज न्यायालयाने फेटाळला
मुंबई: जोगेश्वरीमध्ये कावड यात्रेवर अंडी फेकली, भाविकांमध्ये संताप
"सत्य बाहेर आणावं लागतंय" म्हणत रोहित पवारांनी माणिकराव कोकाटेंचे दोन VIDEO केले शेअर
राष्ट्रवादीच्या मंत्र्यांचा राजीनामा मागणारे भाजप आमदार आशीष देशमुख यांचा बोलवता धनी कोण ?
अजितदादांचे २१ वर्षांपूर्वी हुकले मुख्यमंत्रीपद; जळगावमधील पदाधिकाऱ्यांना त्याची अजुनही खदखद…
नंदुरबार जिल्ह्यात १२ शासकीय आश्रमशाळांमध्ये सौर वीज प्रकल्पात गैरव्यवहार; तपासणी करण्याचा निर्णय
Manikrao Kokate: "मुख्यमंत्र्यांनी मीडियावर विश्वास ठेऊन…", देवेंद्र फडणवीसांच्या रमीबाबतच्या वक्तव्यावर कोकाटेंची प्रतिक्रिया
…तर नागपूर अधिवेशनात मंत्रिपदाचा राजीनामा देईन : माणिकराव कोकाटे
माणिकराव कोकाटे म्हणाले, "मी सभागृहात रमी खेळलो असं वाटत असेल तर याप्रकरणी तपास करावा. मी यामध्ये दोषी आढळलो आणि त्यानंतर मुख्यमंत्री अथवा उपमुख्यमंत्र्यांनी येणाऱ्या नागपूर अधिवेशनात (हिवाळी) यावर निवेदन दिलं. तर मी थेट राज्यपालांकडे जाऊन माझ्या मंत्रिपदाचा राजीनामा सादर करेन."
"…तर नागपूर अधिवेशनात मंत्रिपदाचा राजीनामा देईन", विधीमंडळातील रमीच्या डावावर माणिकराव कोकाटेंचं स्पष्टीकरण
मुंबई : विमानात धूम्रपान, प्रवाशाविरोधात गुन्हा दाखल
कृषमंत्री माणिकराव कोकाटे यांचा विधान भवनाच्या सभागृहात मोबाईलवर रमी खेळतानाचा एक व्हिडीओ समोर आला आहे. त्यानंतर राज्यात त्यांच्याविरोधात वातावरण चांगलंच तापलं आहे. विरोधकांकडून कोकाटे यांच्या राजीनाम्याची मागणी होत आहे. दरम्यान, राष्ट्रवादी काँग्रेस पार्टीचे (अजित पवार) प्रदेशाध्यक्ष सुनील तटकरे यांनी कोकाटेंच्या कृतीवर नाराजी व्यक्त केली आहे. पाठोपाठ मुख्यमंत्री देवेंद्र फडणवीस यांनी देखील ती कृती उचित नसल्याचं म्हटलं आहे. या पार्श्वभूमीवर माणिकराव कोकाटे आज सकाळी १० वाजता नाशिक येथे पत्रकार परिषद घेणार आहेत. या पत्रकार परिषदेमध्ये ते काही मोठी घोषणा करणार का? हे पाहाणं महत्त्वाचं ठरणार आहे.
