Maharashtra Breaking News Live: “मी मते मागायला आलेलो नाही, तर…”, मराठवाडा दौऱ्यात उद्धव ठाकरेंचा शेतकऱ्यांशी संवाद

उपमुख्यमंत्री अजित पवार यांचे पुत्र पार्थ पवार यांच्या कंपनीने सरकारची राखीव जमीन ३० कोटी रुपयांमध्ये खरेदी केल्याचा आरोप होत आहे. यावरून त्यांच्यावर मोठ्या प्रमणात टीका होत आहे. या प्रकरणावर बोलताना विधान परिषदेचे माजी विरोधी पक्षनेते अंबादास दानवे म्हणाले की, "मुरलीधर मोहोळ जैन समाजाचे हॉस्टेल स्वतः घेण्याचा प्रयत्न करतात. अजित पवार यांचा मुलगा सरकारी जमीन घेण्याचा प्रयत्न करत आहे. सध्या महाराष्ट्राची लूटमार करण्याचा प्रकार सुरू आहे आणि पुण्यात तो सर्वाधिक आहे. पुण्याच्या कोरेगाव पार्क भागातील ४० एकर जमीन जी एका उद्देशासाठी राखीव असताना, सरकार एका कंपनीला दोन दिवसांत ती जमीन मंजूर करते. जिल्हाधिकारी ही जमीन आमची असल्याचे सांगत आहेत, पण सरकारने ही जमीन या कंपनीला दिल्याचीही माहिती आहे. पुण्यातील कोरेगाव पार्कसारख्या भागातील या जमिनीची किंमत किमान १८०० कोटी रुपये असून, जास्तीत जास्त २५०० कोटींपर्यंत आहे."