बॉलिवूडचे महानायक अमिताभ बच्चन यांनी विधू विनोद चोप्रांच्या ‘दो’ या आगामी चित्रपटाच्या चित्रीकरणास सुरुवात केली आहे. बिजॉय नांबियार या चित्रपटाचे दिग्दर्शन करित आहेत. चित्रपटात अमिताभ बच्चन यांच्याबरोबर फरहान अख्तर आणि अदिती राव हैदरीदेखील काम करीत आहेत. चित्रपटाची कथा एका बुद्धिबळपटूच्या अवतीभोवती फिरते. चित्रपटाच्या शुटिंगविषयी अमिताभ आपल्या ब्लॉगवर लिहितात, विधू विनोद चोप्रा निर्मित चित्रपटाचे पहिले चित्रीकरण आम्ही सर्वांनी एकत्र केले. चित्रपटाचे दिग्दर्शक बिजॉय नांबियार आणि बरोबर फरहान अख्तर आणि अदिती राव हैदरीसुद्धा होते. अभिनेता फरहान अख्तरनेदेखील टि्वटरवर चित्रपटाविषयी आणि अमिताभ बच्चन यांच्याबरोबर काम करताना आलेला उत्साही अनुभव व्यक्त केला आहे.