पंचतारांकित हॉटेलमध्ये मिळणाऱ्या खाद्यपदार्थांवर अव्वाच्या सव्वा रुपये आकारले जात असल्याचा आरोप काही कलाकारांनी केला होता. अभिनेता राहुल बोसने दोन केळ्यांसाठी आकारलेल्या ४४० रुपयांच्या बिलचा फोटो सोशल मीडियावर पोस्ट केल्यानंतर हा मुद्दा चर्चेत आला. कॉमेडियन किकू शारदाने नुकताच एका हॉटेलमधील बिल सोशल मीडियावर पोस्ट केला आहे. फक्त एक कप चहा व कॉफीसाठी आकारलेला बिल पाहून तुमचेही डोळे विस्फारतील. पण किकू मात्र याबाबत अजिबात तक्रार करत नाहीये. यामागचं कारणंही तितकंच रंजक आहे. किकू सध्या इंडोनेशियातील बाली येथे सुट्ट्यांचा आनंद घेत आहे. तिथल्या एका हॉटेलमध्ये त्याने एक कप कॅपुचिनो व एक कप चहा मागवला. त्यासाठी त्याला तब्बल ७८,६५० इतका बिल आला. पण तिथले चलन हे इंडोनेशियन रुपया असल्याने त्याचे भारतीय चलनात रुपांतर केल्यास केवळ ४०० रुपये इतका बिल होतो. या पोस्टवरून किकूची विनोदबुद्धी पुन्हा एकदा दिसून आली आहे. My bill for 1 cappuccino and 1 tea is 78,650/- ,,,,,,, but I am not complaining as I am in Bali , Indonesia and this amount in their currency converts to ₹ 400/- in Indian currency #mehengaayee pic.twitter.com/rB6U6YgVnN — kiku sharda (@kikusharda) September 3, 2019 Photo : 'बिग बॉस'साठी ड्रामा नव्हे तर खऱ्याखुऱ्या आयुष्यातही शिव-वीणा एकत्र राहुल बोसने चंदीगडमधील पंचतारांकित हॉटेलच्या बिलचा व्हिडीओ पोस्ट केल्यानंतर पंजाब सरकारने त्याची दखल घेतली. संबंधित हॉटेलला २५ हजार रुपयांचा दंड ठोठावला होता.
