अभिनेत्री प्रियांका चोप्रा आणि अमेरिकन गायक निक जोनास यांच्या लग्नाला दोन महिने उलटत नाही तोच आता प्रियांका गर्भवती असल्याच्या चर्चा सुरू झाल्या आहे. प्रियांकानं नुकतीच एका फॅशन शोमध्ये उपस्थिती लावली. या शोदरम्यान प्रियांका गर्भवती असल्याच्या चर्चांना उधाण आलं. प्रियांकाचे शोमधले काही फोटोही व्हायरल झाले. मात्र ती गर्भवती असल्याच्या चर्चांवर तिची आई मधू चोप्रानं स्पष्टीकरण दिलं आहे. हा दोष छायाचित्रकाराचा आहे. प्रियांकाचे फोटो चुकीच्या अँगलनं क्लिक केले आहेत. त्यामुळे ती गर्भवती असल्याचं वाटतं आहे, असं मधू चोप्रा यांचं म्हणणं आहे. 'प्रियांका गर्भवती असल्याच्या बातम्या वाचून मीच तिला फोन केला त्यावेळी खूपच दमले असल्या कारणानं मी चुकीच्या पद्धतीनं उभी राहिले म्हणूनच फोटोत माझं पोट थोडं मोठं दिसत होतं' असं उत्तर तिनं दिल्याचं मधू चोप्रा यांनी सांगितलं. प्रियांका डिसेंबर २०१८ मध्ये निक जोनास याच्यासोबत विवाहबंधनात अडकली. राजस्थानमधल्या उमेद भवन पॅलेसमध्ये पारंपरिक भारतीय आणि ख्रिश्चन पद्धतीनं या दोघांचा विवाहसोहळा पार पडला होता.
