काही दिवसांपूर्वी दिग्दर्शक मिलाप जावेरी यांनी कमाल आर खानचा व्हिडीओ शेअर केला होता. या व्हिडीओमध्ये त्यांनी बॉलिवूड अभिनेता सुशांत सिंह राजपूतच्या बाजूने बोलणाऱ्या केआरकेचे धक्कादायक वक्तव्य समोर आणले होते. त्याने सुशांतला अभिनय येत नसल्याचे म्हटले होते. मिलाप यांनी KRKचा व्हिडीओ शेअर करत त्याला फेक म्हटले होते. मिलाप यांच्या या ट्विटला अभिनेता मनोज वाजपेयी आणि दिग्दर्शक हंसल मेहता यांनी पाठिंबा दिला आहे. मिलाप आणि हंसल यांचे ट्विट पाहून केआरकेने एक ट्विट केले होते. या ट्विटमध्ये त्याने हंसल मेहता आणि मिलाप जावेरी यांच्यावर लवकरच एक रिव्ह्यू आणणार असल्याचे म्हटले आहे. तसेच हा रिव्ह्यू ऐकण्यासाठी प्रेक्षकांनी हेडफोनचा वापर करा असे देखील त्याने ट्विटमध्ये म्हटले आहे. Don't you dare mess with me. I will not take any slander or abuse lying down. Your bullying will not work with me. Your filth can neither make nor break me. Stay away. Consider this a warning. — Hansal Mehta (@mehtahansal) July 4, 2020 केआरकेचे ट्विट पाहून हंसल यांनी संताप व्यक्त केला. माझ्याशी पंगा घेऊ नकोस. मी तुझी नाटकं सहन करुन घेणार नाही. तुझ्या या घेणेरड्या विचारांचा माझ्यावर कोणताही परिणाम होणार नाही. माझ्यापासून लांब रहा. हवं तर याला धमकी समज या आशयाचे ट्विट हंसल यांनी केले होते. त्यांचे हे ट्विट पाहून मनोज वाजपेयीने देखील ट्विट केले आहे. अब जो जंग शुरू होगी वो मुक़ाम के पहुँचने तक लड़ी जाएगी ! मैं फिर कहता हूँ समस्या ये व्यक्ति तभी बनता है जब हमारे बीच के लोग इस तरह के लोगों का उत्साह बढ़ाते हैं।आप सब unfollow करें ताक़त अपने आप ख़त्म हो जाएगी । — manoj bajpayee (@BajpayeeManoj) July 4, 2020 आता लढाई सुरु झाली आहे ती शेवट पर्यंत लढावीच लागणार. मी पुन्हा सांगतोय आपण अशा लोकांना प्रोत्साहन देतो तेव्हा समस्या वाढतात. तुम्ही सगळ्यांनी अनफॉलो करा त्याची ताकद आपोआप कमी होईल या आशयाचे ट्विट मनोज वाजपेयीने करत केआरकेवर निशाणा साधला आहे.