सध्याच्या तरुणांना भावणारी अशा कथा घेऊन ‘वन बाय टू’ ही वेब सीरिज प्रेक्षकांच्या भेटीला आली आहे. रिलेशनशिप, त्यात मिळणारा दगा आणि भावनांची होणारी फरपट यांभोवती सीरिजची कथा फिरते. निखिल रायबोले, भूपेंद्रकुमार नंदन यांच्या कॅफेमराठी प्रस्तुत आणि बाप फिल्म्स, रिझॉन्स स्टुडिओ निर्मित ‘वन बाय टू’ ही मराठी वेब सीरिज १९ नोव्हेंबरपासून एमएक्स प्लेअर, एअरटेल एक्सट्रिम आणि व्हीआय मूव्हीज म्हणजेच वोडाफोन प्ले या ओटीटी प्लॅटफॉर्मवर प्रदर्शित झाली आहे. या वेब सीरीजचं लेखन आणि दिग्दर्शन निशांत गजभे आणि रोहित निकम यांनी केलं असून निशांत गजभे दिग्दर्शक आहेत.

सीरिजबद्दल निखिल रायबोले सांगतात की, “‘वन बाय टू’ ही कॅफे मराठीची १५वी मराठी वेब सीरिज आहे. डिजिटल क्षेत्रात स्वतःची वेगळी अशी ओळख निर्माण करण्यासाठी आम्ही नव्या कल्पना, नव्या गोष्टी आणि नव्या विचारांना वाट मोकळी करून देणाऱ्या लेखकांची फौज तयार करतोय. सोबतच बड्या दिग्दर्शकांचा देखील त्यात समावेश असणार आहे.”

marathi actress Amruta Subhash and sandesh kulkarni Love story Entdc
पहिल्या भेटीतलं प्रेम, १७व्या वर्षी लग्नाची मागणी अन् मूल होऊ न देण्याचा निर्णय; वाचा अमृता सुभाषची फिल्मी लव्हस्टोरी
film director Kumar Shahani passed away
प्रख्यात चित्रपट दिग्दर्शक कुमार शाहनी यांचे निधन; कलात्मक हिंदी चित्रपटसृष्टीचा महत्त्वाचा दुवा निखळला
laxmikant berde daughter swanandi berde debut
लक्ष्मीकांत बेर्डेंची लेकही करणार चित्रपटसृष्टीत पदार्पण; ‘या’ प्रसिद्ध अभिनेत्याबरोबर करणार काम
tripti-dimri-bhool-bhulaiyya3
विद्या बालन पाठोपाठ ‘या’ अभिनेत्रीची झाली ‘भूल भूलैया ३’मध्ये एंट्री; कार्तिक आर्यनने पोस्ट करत दिली माहिती

या ‘वन बाय टू’ वेब सीरिजमध्ये रोहित निकम, शिवानी सोनार, अनामिका डांगरे, श्रेयस गुजार, आदित्य हविले, आरोही वकील, रवींद्र बंदगार आणि अभय महाजन यांच्या प्रमुख भूमिका आहेत. या वेब सीरिजच्या माध्यमातून कलर्स मराठी वाहिनीवरील ‘राजा राणीची गं जोडी’ या मालिकेतील अभिनेत्री शिवानी सोनार डिजिटल विश्वात पदार्पण करत आहे. एक वेगळ्या आणि आकर्षक अशा भूमिकेत शिवानी सोनार दिसणार आहे.

भुपेंद्रकुमार नंदन सांगतात की, “आपल्या आयुष्यात असणारे प्रत्येक नाते हे दोन गोष्टींवर टिकून असते. ते म्हणजे प्रामाणिकपणा आणि विश्वास. अशाच प्रेमकथेवर आधारित ही ‘वन बाय टू’ मराठी वेब सीरिज आहे.”