News Flash

शाहरूख, प्रियांका बाहेरून येऊनही यशस्वी! घराणेशाहीवर रवीना टंडनचं मत

अनेक लोक असे आहेत जे बाहेरून येऊन यशस्वी झाले, तरीही घराणेशाही हा सिनेसृष्टीतला न संपणारा वाद आहे

हिंदी सिनेसृष्टीत घराणेशाही हा न संपणारा वाद आहे. मात्र शाहरुख खान, सोनू सुद, प्रियांका चोप्रा, कंगना रणौत, कतरीना कैफ यांसारख्या बाहेरून आलेल्या अभिनेते अभिनेत्यांनीही चांगला जम बसवला आहे असं मत अभिनेत्री रवीना टंडनने व्यक्त केलं. त्यांच्यासारखेच अनेक लोक हिंदी सिनेसृष्टीत आले आणि यशस्वी झाले असेही रवीना टंडनने म्हटले आहे. एका वृत्तवाहिनीने आयोजित केलेल्या मुंबई मंथन या कार्यक्रमात रवीना टंडनची हजेरी होती त्यावेळी तिला हिंदी सिनेसृष्टीतील घराणेशाहीबाबत प्रश्न विचारण्यात आला त्यावर तिने हे उत्तर दिले.

रवीना टंडन ही फिल्ममेकर रवी टंडन यांची मुलगी आहे. तिला लहान असल्यापासून हिंदी सिनेसृष्टीची ओळख आहे. असे असूनही मी कधीही म्हटले नाही की मला चित्रपटात घ्या. मी हाच विचार केला होता की जर माझ्यात कलागुण असतील तर मला संधी मिळेल. मी जी काही कामं मिळवली ती माझ्या कलागुणांमुळेच मिळवली. मी कोणालाही पोर्टफोलिओ पाठवला नव्हता असेही तिने स्पष्ट केले. मला अनेकांनी कॉलेजमध्ये जाताना आणि इतर ठिकाणी वावरताना पाहिले. त्यानंतर मला सिनेमाच्या ऑफर आल्या असंही रवीना म्हटली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 23, 2018 10:47 pm

Web Title: raveena tandon on nepotism outsiders shah rukh and priyanka are also successful
Next Stories
1 राजकुमार- नर्गिसचा ‘५ वेडिंग्ज’ प्रेक्षकांच्या भेटीला
2 मलायका-अर्जुन करणार लवकरच नात्याची अधिकृत घोषणा?
3 ‘मिर्झापूर’ वेब सीरिजमध्ये श्रिया पिळगांवकर महत्त्वपूर्ण भूमिकेत
Just Now!
X