सध्या सोशल मीडियावर अनेक कलाकार सक्रिय असल्याचे पाहायला मिळते. ते अनेकदा फोटो आणि व्हिडीओ शेअर करताना दिसतात. अशातच एका अभिनेत्याने दाक्षिणात्य सुपरस्टार रजनिकांत करोना पॉझिटीव्ह असल्याचा जोक शेअर केला आहे. तसेच त्याला या जोकमुळे सोशल मीडियावर ट्रोलिंगचा सामना करावा लागला आहे. हा अभिनेता म्हणजे रोहित रॉय आहे. त्याने नुकताच त्याच्या इन्स्टाग्राम अकाऊंटवर एक मजेशीर अंदाजात पोस्ट शेअर केली होती. पण रजनिकांतच्या चाहत्यांनी रोहितला ट्रोल करण्यास सुरुवात केली आहे. View this post on Instagram Let’s beat the shit outa the corona!! Be safe when u get back to work! Wear your masks n keep washing n sanitizing several times a day, as much as possible. The virus can’t affect us unless WE LET IT ! #staysafe A post shared by Rohit Bose Roy (@rohitroy500) on Jun 2, 2020 at 9:45pm PDT 'रजनिकांत करोना पॉझिटीव्ह आले. आता करोनाला क्वारंटाइन करण्यात आले आहे' असे रोहितने पोस्टमध्ये म्हटले होते. पण त्याची ही पोस्ट रजनिकांतच्या चाहत्यांना अजीबात आवडलेली दिसत नाही. त्यांनी रोहितला ट्रोल करण्यास सुरुवात केली. ट्रोल झाल्यानंतर काही वेळातच रोहितने पोस्टवर कमेंट केली आहे. 'मित्रांनो जरा शांत व्हा. एक जोक केवळ जोक असतो.. हा एक रजनिकांत सरांच्या स्टाइलमधला टीपिकल जोक होता आणि मला या जोकने सर्वांना हसवायचे होते. कमेंट करण्यापूर्वी समोरच्या व्यक्तीने कोणत्या भावनेने पोस्ट केलं आहे हे देखील पाहायला हवे' असे त्याने म्हटले आहे.