News Flash

विसर्जनानंतर चौपाट्यांचे हाल; सोनाली बेंद्रेनं व्यक्त केली चिंता

मूर्तींचे अवशेष आणि निर्माल्य यांमुळे किनाऱ्यांची मोठ्या प्रमाणावर दुर्दशा होते.

गणपती बाप्पाचे स्वागत आपण खूपच उत्साहात, जल्लोषात करतो. विसर्जनाच्या दिवशी बाप्पाला निरोप देताना सगळ्यांनाच खूप दु:ख होतं. मात्र विसर्जनाच्या दुसऱ्या दिवशी चौपाट्यांची स्थिती अत्यंत वाईट असते. चौपाटीचा एक फोटो ट्विटरवर शेअर करत अभिनेत्री सोनाली बेंद्रेनं चिंता व्यक्त केली आहे.

या फोटोमध्ये विसर्जनानंतर चौपाटीचे झालेले हाल पाहायला मिळत आहे. निर्माल्य, प्लास्टिक, मूर्तींचे अवशेष समुद्रकिनारी वाहून आल्याचे दिसत आहे. ”कालच्या विसर्जनानंतर आपण केलेल्या नुकसानीचे जर हे चित्र नसेल तर मला माहीत नाही की याहून वेगळं काय असेल. हे होता कामा नये. ही परिस्थिती आपण बदलली पाहिजे,” असं लिहित सोनालीने नागरिकांना आवाहन केलं आहे.

गणेशोत्सवात लोकांमधील आनंद ओसंडून वाहत असतो. पण गणेश विसर्जनानंतर त्याचा समुद्रकिनाऱ्यांवर होणारा विपरित परिणाम कचऱ्याच्या रुपात पाहायला मिळतो. मूर्तींचे अवशेष आणि निर्माल्य यांमुळे किनाऱ्यांची मोठ्या प्रमाणावर दुर्दशा होते. मूर्तींमधील प्लास्टर ऑफ पॅरिसमुळे जलचरांना विविध समस्यांना सामोरं जावं लागतं. याविषयी जनजागृती होऊनही चित्र काही बदलताना दिसत नाही. सोनालीनं तिच्या पोस्टद्वारे हीच चिंता व्यक्त केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 9, 2019 4:24 pm

Web Title: sonali bendre concerned about beach situation after ganapati visarjan ssv 92
Next Stories
1 …म्हणून सुशांत सारा अली खानसोबत करणार नाही काम
2 दिग्दर्शकाच्या विनंतीनंतरही ‘साहो’च्या कमाईत कमालीची घसरण
3 ..म्हणून रवीनाचं अक्षयशी होऊ शकलं नाही लग्न
Just Now!
X