सोशल मीडियावर सतत चर्चेत असलेली अभिनेत्री स्वरा भास्कर हिची नवीन वेब सीरिज अॅमेझॉन प्राइम या ओटीटी प्लॅटफॉर्मवर प्रदर्शित झाली आहे. ‘रसभरी’ असं या वेब सीरिजचं नाव असून स्वराने यामध्ये शिक्षिकेची भूमिका साकारली आहे. मात्र ही वेब सीरिज नेटकऱ्यांच्या पसंतीस उतरली नसून अनेकांनी तिला सोशल मीडियावर ट्रोल केलंय. यावरून बरेच मीम्ससुद्धा व्हायरल होत आहेत.

काहींनी या वेब सीरिजला फ्लॉप म्हटलं तर काहींनी थेट यानंतर अॅमेझॉनचं सबस्क्रीप्शन बंद करणार असल्याचं म्हटलं. ‘ही सीरिज बी ग्रेड आणि सी ग्रेड चित्रपटांच्या तुलनेतही वाईट आहे’, अशा शब्दांत एका नेटकऱ्यांने टीका केली.

आणखी वाचा
upsc student surprised father with upsc 2023 result in his office then what happened you will get cry watch viral video
या आनंदाला तोड नाही! UPSC निकालानंतर वडिलांच्या ऑफिसमध्ये पोहोचला लेक अन्…; VIDEO पाहून पाणावतील तुमचेही डोळे
Raj Kundra shares cryptic note amid ponzi scam
ईडीने ९७.७९ कोटींची संपत्ती जप्त केल्यावर राज कुंद्राची पोस्ट; ‘तो’ फोटो शेअर करत लिहिलं, “जेव्हा तुम्हाला…”
What Samantha Said?
‘निरागस पतीला का फसवलंस?’, ट्रोलरच्या प्रश्नावर समांथाचं रोखठोक उत्तर, म्हणाली..
randeep surjewala made controversial remarks on hema malini
हेमा मालिनी यांच्याबाबत रणदीप सुरजेवालांचं वादग्रस्त वक्तव्य, कंगनाची तिखट शब्दांत प्रतिक्रिया, “द्वेष आणि तिरस्कार..”

शिक्षिका आणि विद्यार्थी यांच्या अवतीभवती या वेब सीरिजची कथा फिरते. विशिष्ट वयोगटात तरुणांच्या मनात स्त्रियांविषयी येणाऱ्या विचारांवर उपहासात्मक पद्धतीने यात भाष्य करण्यात आलं आहे. निखिल भट्ट यांनी त्याचं दिग्दर्शन केलं आहे. विशेष म्हणजे स्वरा यामध्ये दुहेरी भूमिकेत आहे.

‘इट इज नॉट दॅट सिम्पल’ या २०१६ मध्ये प्रदर्शित झालेल्या वेब सीरिजनंतर स्वराची ही सीरिज प्रेक्षकांच्या भेटीला आली आहे. स्वराने आतापर्यंत ‘तनू वेड्स मनू’, ‘रांझना’, ‘नील बट्टे सन्नाटा’, ‘अनारकली ऑफ आरा’ आणि ‘वीरे दी वेडिंग’ या चित्रपटांमध्ये भूमिका साकारल्या आहेत.