काय सांगता! प्रदर्शनाच्या आधीच ‘आदिपुरुष’ चित्रपटाने कमावले २०० कोटी, जाणून घ्या कसे?

ओम राऊत दिग्दर्शित या चित्रपटात अभिनेता प्रभास प्रभू श्रीरामांच्या भूमिकेत दिसणार आहे, तर अभिनेत्री क्रिती सेनॉन सीतेच्या भूमिकेत दिसेल. मराठमोळा अभिनेता देवदत्त नागे या चित्रपटात हनुमानाची भूमिका साकारणार आहे. या चित्रपटाची प्रेक्षक आतुरतेने वाट बघत आहेत. आता या चित्रपटाने प्रदर्शनाच्या आधीच २०० कोटींची कमाई केली असल्याचं समोर आलं आहे.

आणखी वाचा : प्रदर्शनाच्या आधीच ‘आदिपुरुष’चा होणार वर्ल्ड प्रीमियर, जाणून घ्या कधी, कुठे आणि कोणाला पाहता येणार चित्रपट?

Tollywood.net च्या अहवालानुसार, या चित्रपटाचे तेलुगू थिएट्रिकल राइट्स पीपल मीडिया फॅक्टरीने १८५ कोटींना विकले आहेत. तर जीएसटी धरून ही रक्कम २०० कोटी होत आहे. त्यामुळे प्रदर्शनाच्या आधीच या चित्रपटाने २०० कोटींच्या घरात प्रवेश केला आहे.

हेही वाचा : ‘आदिपुरुष’ चित्रपटासाठी मिळालेल्या मानधनाबाबत देवदत्त नागेचा मोठा खुलासा, म्हणाला…

हा चित्रपट १६ जून रोजी प्रदर्शित होत आहे. हा चित्रपट हिंदी, तेलुगू, तमिळ, कन्नड, मल्याळम् या भाषांमध्ये प्रदर्शित होणार आहे. या चित्रपटाची गाणी आता प्रेक्षकांच्या पसंतीस पडत आहेत. त्यामुळे हा चित्रपट चित्रपटगृहात उत्तम कामगिरी करेल, असा अंदाज वर्तवला जात आहे