scorecardresearch

Premium

२०२४ मध्ये होणार साऊथ विरुद्ध नॉर्थ मुकाबला; बॉक्स ऑफिसवर आमने-सामने उभे ठाकणार अल्लू अर्जुन व अजय देवगण

‘पुष्पा २’ हा अजय देवगणच्या ‘सिंघम अगेन’समोर टिकणार का? याबाबतीत चर्चा सुरू झाली आहे

puhspa2-ajay-devgn
फोटो : सोशल मीडिया

अल्लू अर्जुनचा ‘पुष्पा २- द रुल’ हा चित्रपट बऱ्याच दिवसांपासून चर्चेत आहे. चित्रपटाचे निर्मातेही वेळोवेळी चाहत्यांना याबद्दल अपडेट्स देत असतात. सोमवारी ११ सप्टेंबर रोजी ‘पुष्पा २’ची प्रदर्शनाची तारीख जाहीर करण्यात आली अल्लू अर्जुन आणि रश्मिका मंदान्ना यांचा हा चित्रपट पुढच्या वर्षी १५ ऑगस्टला प्रदर्शित होत आहे. निर्मात्यांनी चित्रपटाचे पोस्टर प्रदर्शित करून चित्रपटाच्या प्रदर्शनाची तारीख जाहीर केली आहे.

ही गोष्ट फार कमी लोकांना ठाऊक आहे कि पुढच्या वर्षी १५ ऑगस्टला या प्रसिद्ध चंदन तस्कराचा सामना एका दमदार पोलिस अधिकाऱ्याशी होणार आहे. पुढील वर्षी ‘पुष्पा २’ची टक्कर थेट बॉलिवूड अभिनेता अजय देवगणच्या ‘सिंघम अगेन’ या चित्रपटाशी होणार आहे. ‘सिंघम अगेन’सुद्धा पुढील वर्षी याच दिवशी चित्रपटगृहात प्रदर्शित होणार आहे. अजय देवगण सध्या त्याच्या या चित्रपटाची जोरदार तयारी करत आहे.

Pope and Bumrah Controversy in Ind vs ENG 1st Test Match
IND vs ENG : जसप्रीत बुमराहने ऑली पोपशी मुद्दाम पंगा घेतल्याने रोहितला करावी लागली मध्यस्थी, VIDEO होतोय व्हायरल
Shoaib Malik share about post on social media in bpl 2024
Shoaib Malik : ‘प्रत्येकाने कोणत्याही…’, मॅच फिक्सिंगच्या आरोपांवर शोएबने सोडलं मौन, सोशल मीडियावर दिली प्रतिक्रिया
IND vs ENG 1st test match updates in marathi
IND vs ENG : ‘आधी पॅड की बॅट…’, रवींद्र जडेजाच्या एलबीडब्ल्यू आऊटवरुन निर्माण झाला गोंधळ
sania mirza first post after shoaib malik wedding
शोएब मलिकच्या लग्नानंतर सानिया मिर्झाची पहिली पोस्ट; फोटोसह एका शब्दाच्या कॅप्शनने वेधलं लक्ष, चाहते म्हणाले…

आणखी वाचा : ‘जवान’चं कलेक्शन शेअर करत खिलाडी कुमारने केलं किंग खानचं अभिनंदन; ट्वीट करत म्हणाला…

अभिनेता अल्लू अर्जुन याने नुकतंच इन्स्टाग्रामवर एक पोस्ट शेअर केली आहे. त्यात त्याने बहुप्रतिक्षित ‘पुष्पा २’ या चित्रपटाचे पोस्टर शेअर केले आहे. या पोस्टरमध्ये अल्लू अर्जुनचा खास लूक पाहायला मिळत आहे. या पोस्टरमध्ये अल्लू अर्जुनचा अर्धा चेहराही दिसत आहे. त्याच्या हातात सोन्याचे ब्रेसलेट आणि अंगठ्या पाहायला मिळत आहे. त्याबरोबरच त्याच्या एका नखावर लाल रंगाची नेलपेंटही पाहायला मिळत आहे. तसेच यावेळी त्याच्या बोटांवर रक्ताचे शिंतोडेही उडाल्याचे दिसत आहे.

आता या घोषणेनंतर ‘पुष्पा २’ हा अजय देवगणच्या ‘सिंघम अगेन’समोर टिकणार का? याबाबतीत चर्चा सुरू झाली आहे. सध्या एकूणच हिंदी चित्रपटांना आलेले सुगीचे दिवस पाहता हीच गोष्ट पुढल्यावर्षीही पाहायला मिळणार का? अन् हेच चित्र कायम राहिलं तर अल्लू अर्जुन पुन्हा बॉक्स ऑफिसवर इतिहास रचू शकणार का? असे बरेच प्रश्न उपस्थित होत आहेत. अद्याप या दोन्ही चित्रपटांच्या मेकर्सनी तारीख बदलण्याबाबत कोणताही निर्णय घेतलेला नाही. त्यामुळे २०२४ मध्ये १५ ऑगस्टला अल्लू अर्जुन व अजय देवगण हे आमने-सामने उभे ठाकणार असं चित्र सध्या तरी दिसत आहे.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Allu arjun pushpa 2 is going to clash with ajay devgn starrer singham again in 2024 avn

First published on: 12-09-2023 at 12:16 IST

संबंधित बातम्या

तुम्ही या बातम्या वाचल्या आहेत का? ×