Pathaan Controversy : “त्यांना हिजाब खटकतो…” भगव्या बिकिनी वादावर नुसरत जहाँ यांचं वक्तव्य चर्चेत

‘पठाण’च्या या गाण्यात बदल करण्याची मागणी होत आहे. शिवाय याच्या निषेधार्थ मध्य प्रदेशात शाहरुख आणि दीपिकाचे पुतळे जाळून निषेध व्यक्त केला गेला. त्यानंतर नुसरत जहाँ यांनी आदल्या दिवशी ट्विट करून चित्रपटाच्या समर्थनार्थ बाजू मांडली. अभिनेत्रीने ‘एनडीटीव्ही’ला दिलेल्या मुलाखतीत सांगितलं, “या लोकांना प्रत्येक गोष्ट खटकते. त्यांना हिजाब घालणाऱ्या महिला खटकतात, त्यांना बिकिनी घालण्याबद्दलही समस्या आहे. हेच लोक नव्या युगातील महिलांना काय घालावे हे सांगत आहेत. हे केवढं मोठं दुर्दैव आहे.”

आणखी वाचा : बॉयकॉट ट्रेंड, रणवीरचं न्यूड फोटोशूट ते दीपिकाची भगवी बिकिनी; २०२२ मध्ये या वादग्रस्त घटनांची होती सर्वात जास्त चर्चा

यावरून भाजपावर निशाणा साधत नुसरत जहाँ यांनी स्पष्ट केलं की, “‘हे कोणत्याही विचारधारेशी संबंधित नाही. हे सत्तेत बसलेल्या पक्षाचं काम आहे. एका विशिष्ट समाजाची प्रतिमा बनवण्यासाठी हा सगळा खटाटोप आहे. हे एक प्रकारचं षडयंत्र आहे. त्यामुळेच ते संस्कृतिच्या रक्षणाबद्दल आणि बिकिनी घालणाऱ्या महिलांबद्दल वक्तव्य करत आहेत.”

पुढच्या वर्षी म्हणजेच २५ जानेवारीला ‘पठाण’ चित्रपटगृहात दाखल होणार आहे. या चित्रपटात शाहरुख खान, दीपिका पदुकोण आणि जॉन अब्राहम दिसणार आहेत. शाहरुख आणि दीपिकाच्या या गाण्यातील हॉट केमिस्ट्रिची सध्या चांगलीच चर्चा आहे. या चित्रपटाच्या माध्यमातून तब्बल ४ वर्षांनी शाहरुख मोठ्या पडद्यावर दिसणार आहे.