Met Gala : तब्बल १९६५ तास, १६३ कारागीर अन्…; मेट गालामध्ये आलिया भट्टचा देसी अंदाज! साडीने वेधलं लक्ष

‘मेट गाला २०२४’ मध्ये आलियाने मिंट ग्रीन रंगाची सुंदर अशी डिझायनर साडी नेसली होती. या लूकमध्ये ती अतिशय सुंदर दिसत होती. बॉलीवूडचा प्रसिद्ध डिझायनर सब्यसाचीने तिच्यासाठी ही खास साडी डिझाइन केली होती. यावर आलियाने सुंदर दागिने आणि क्लासिक हेअरस्टाइल केल्याने तिच्या संपूर्ण लूकला पूर्णत्व आलं होतं.

हेही वाचा : ठरलं तर मग : अखेर प्रियाने फोडलं कॉन्ट्रॅक्ट मॅरेजचं सत्य! अर्जुनने थेट केला चैतन्यला फोन, पुढे काय घडणार? पाहा प्रोमो

आलिया भट्टच्या या भरजरी साडीची अनेक वैशिष्ट्ये आता समोर आली आहेत. तब्बल १६३ कारागिरांनी मिळून आलियाची ही खास साडी डिझाइन केलेली आहे. या साडीला तयार करण्यासाठी एकूण १९६५ तास लागले आहेत. यावरील फ्लोरल मोटिफ वर्कमुळे ही साडी अधिकच उठून दिसत आहे. याशिवाय या साडीत सब्यसाचीने एक लाँग ट्रेल जोडली आहे. यामुळे आलिया भट्टला रॅम्प वॉक करताना एकदम रॉयल लूक मिळाला. सध्या आलियाचे ‘मेट गाला २०२४’मधील असंख्य फोटो आणि व्हिडीओज सोशल मीडियावर व्हायरल होत आहेत.

हेही वाचा : “मुंबईहून लातूरला आलो…”, मतदान केंद्रावर एकत्र पोहोचले देशमुख कुटुंबीय, रितेश-जिनिलीया म्हणाले…

हेही वाचा : थाटात लग्न केल्यावर ‘कन्यादान’ फेम जोडी निघाली हनिमूनला; पासपोर्टचा फोटो शेअर करत म्हणाले…

दरम्यान, आलिया भट्टच्या कामाबद्दल सांगायचं झालं तर, आगामी काळात ती ‘जिगरा’ चित्रपटात झळकणार आहे. ‘द आर्चीज’ फेम अभिनेता वेदांग रैना ‘जिगरा’च्या निमित्ताने पहिल्यांदाच आलियाबरोबर स्क्रीन शेअर करणार आहे. आलियाचा या चित्रपटाच्या निर्मितीमध्ये देखील सहभाग असणार आहे. हा चित्रपट जुलै महिन्यात प्रेक्षकांच्या भेटीला येण्याची शक्यता आहे. याशिवाय गेल्यावर्षी आलिया रणवीर सिंहबरोबर ‘रॉकी और रानी की प्रेम कहानी’ या चित्रपटात झळकली होती. करण जोहर दिग्दर्शित या चित्रपटाने बॉक्स ऑफिसवर चांगलं यश मिळवलं होतं.