लाखो प्रेक्षकांच्या मनावर अधिराज्य करणाऱ्या आलिया भट्टचं शिक्षण किती माहितेय का? वाचून तुम्ही व्हाल आश्चर्यचकित

आलियाला घरातूनच अभिनयाचं बाळकडू मिळालं. त्यामुळे तिला लहानपणापासून अभिनयाची आवड लागली. अभिनेत्री व्हायचं हे तिने लहान वयातच ठरवलं होतं. इतकंच नाही तर अभिनेत्री होण्यासाठी तिने तिचं शिक्षणही अर्धवट सोडलं. 

आणखी वाचा : “चित्रपट माझं पहिलं प्रेम पण…” राहाच्या जन्मानंतर आलिया भट्टने करिअरबाबत घेतला मोठा निर्णय

जमनाबाई नरसी स्कूलमध्ये आलियाने दहावीपर्यंतचं शिक्षण पूर्ण केलं. पण आई-वाडिलांमुळे त्यांच्या घरात कलेचं वातावरण होतं. पण आलियाचा कल शिक्षणापेक्षा अभिनयाकडे जास्त होता. १० वी पूर्ण करून आलिया पुढील शिक्षणासाठी कॉलेजमध्ये गेली. परंतु आलियाचं शिक्षणात मन रमत नव्हतं. म्हणून आलियाने शिक्षण सोडलं. तिने १२वीची परीक्षाही दिली नाही. तेव्हाच शिक्षण थांबून अभिनयावर लक्ष केंद्रित करायचं तिने ठरवलं. १०वी मध्ये असताना तिला ७१ टक्के मिळाले होते. इतके चांगले गूण मिळूनही तिने १२वी पूर्ण करायच्या आधीच शिक्षण थांबवण्याचा निर्णय घेतला.

हेही वाचा : “माझी सून फारच…” आलिया भट्टबद्दल स्पष्टच बोलल्या नीतू कपूर

आज आलिया एक आघाडीची अभिनेत्री म्हणून ओळखली जाते. नोव्हेंबर महिन्यात मुलीला जन्म दिल्यानंतर आता आलियाने पुन्हा एकदा कामाला सुरुवात केली आहे. सध्या ती भट्ट ‘रॉकी और रानी की प्रेम कहानी’ चित्रपटाचं शूटिंग करत आहे. नुकतंच या चित्रपटाचं शेड्यूल काश्मीरमध्ये पार पडलं. तर लवकरच ती कतरिना कैफ आणि प्रियांका चोप्रासोबत फरहान अख्तर दिग्दर्शित ‘जी ले जरा’ आणि संजय लीला भन्साळी यांच्या ‘बैजू बावरा’ चित्रपटाच्या शूटिंगला सुरुवात करेल अशी शक्यता आहे.