‘डंकी’ पोस्टपोन होणार नाही; डिसेंबरमध्ये बॉक्स ऑफिसवर आमने सामने येणार किंग खान व प्रभास

‘डंकी’ची कथा ही आपल्या देश सोडून परदेशात स्थलांतरित झालेल्या लोकांवर बेतलेली असल्याची शक्यता वर्तवली जात आहे. कधी दिवसांपूर्वी प्रभासच्या बहुचर्चित ‘सलार’ या चित्रपटाच्या प्रदर्शनाची तारीख समोर आली अन् यामुळे शाहरुखच्या ‘डंकी’वर परिणाम होणार अशी चर्चाही होऊ लागली.

आणखी वाचा : ‘आशिक बनाया आपने’मधील ‘त्या’ इंटीमेट सीनबद्दल तनुश्री दत्ता प्रथमच बोलली; म्हणाली, “संपूर्ण क्रूसमोर तो सीन…”

प्रभासचा ‘सलार’ २२ डिसेंबरला येणार आहे अन् यामुळेच ‘डंकी’चे निर्माते त्याची प्रदर्शनाची तारीख पुढे ढकलणार असल्याची शक्यता वर्तवली जात होती. आता मात्र एक नवी अपडेट समोर येत आहे. मीडिया रीपोर्टनुसार ‘डंकी’च्या प्रदर्शनाची तारीख पुढे ढकलली जाणार नसून ठरलेल्याच दिवशी तो चित्रपट प्रदर्शित होणार आहे हे स्पष्ट झालं आहे. दिग्दर्शक राजकुमार हिरानी यांनी २०२३ च्या क्रिसमसची तारीख निश्चित केली असल्याचंही स्पष्ट झालं आहे.

यामुळे शाहरुखचे चाहते चांगलेच खुश झाले आहेत. येत्या डिसेंबरला बॉक्स ऑफिसवर साऊथ विरुद्ध बॉलिवूड अशी झुंज आपल्याला बघायला मिळू शकते. किंग खानचे चाहते आणि सिनेप्रेमी या चित्रपटाची आतुरतेने वाट बघत आहेत. ‘डंकी’मध्ये शाहरुखसह तापसी पन्नू, विकी कौशल यांच्या महत्त्वाच्या भूमिका असणार आहेत.