४ तासांची लांबी अन् तब्बल ३३ हिरो, भारतातील ‘या’ चित्रपटामुळे संपलं अनेकांचं करिअर; वाचा सविस्तर…

हेही वाचा- सलमान खानशी खोटं बोलला ओरी, ‘त्या’ विधानावरून घेतली माघार; म्हणाला, “मुंबईमध्ये एखाद्या श्वानासारखं…”

२००३ साली प्रदर्शित झालेला एलओसी कारगील चित्रपट सगळ्यांनाच आठवत असेल. बॉलीवूडमधील अनेक मोठे कलाकार या चित्रपटात झळकले होते. एलओसी आत्तापर्यंतचा बॉलीवूडमधील सगळ्यात मोठा चित्रपट मानला जातो. साधारणत: कोणत्याही चित्रपटाचा वेळ ३ तास असतो. मात्र, एलओसी चित्रपट ४ तास ४४ मिनिटांचा होता. हा चित्रपट त्या काळातला बिग बजेट चित्रपट मानला जायचा.

हेही वाचा- “मी त्यावेळी खूप…”, ‘अर्जुन रेड्डी’तील मारहाणीच्या सीनवर शालिनी पांडेने सहा वर्षांनी दिली प्रतिक्रिया

बॉलीवूडमधील ३३ कलाकारांच्या भूमिका

एलओसी चित्रपटात बॉलीवूडमधील सगळ्यात जास्त कलाकार झळकले आहेत. जवळपास ३३ कलाकारांनी या चित्रपटात भूमिका साकारल्या आहेत. संजय दत्त, अजय देवगण, सैफ अली खान, अक्षय खन्ना, अभिषेक बच्चन, , नागार्जून, मनोज बाजपेयी, आशितोष राणा, सुदेश बैरी, राज बब्बर, अवतार गिल, मोनिश बेल, करिना कपूर, राणी मुखर्जी, ईशा देओल, रविना टंडन सारखी तगडी स्टारकास्ट या चित्रपटाला लाभली होती. मात्र, तरीही हा चित्रपट बॉक्स ऑफिसवर फ्लॉप ठरला.

हेही वाचा- “तिने दिलेला संदेश…” राष्ट्रीय पुरस्कार सोहळ्यात लग्नातील साडी नेसणाऱ्या आलिया भट्टचं सुहाना खानने केलं कौतुक

LOC चित्रपटाने बॉक्स ऑफिसवर किती कमाई केली होती

जे पी दत्ता दिग्दर्शित एलओसी चित्रपट प्रदर्शित झाल्यानंतर या चित्रपटाबाबत अनेक नकारात्मक प्रतिक्रिया ऐकायला मिळाल्या होत्या. महिनाभरातच या चित्रपटाने आपला गाशा गुंडाळला. ३३ कोटीच्या बजेटमध्ये हा चित्रपट बनवण्यात आला होता. मात्र जगभरात या चित्रपटाने केवळ ३१ कोटींची कमाई केली होती. भारतात या चित्रपटाने २० कोटींचा गल्ला जमवला होता. या फ्लॉप चित्रपटामुळे अनेक कलाकारांच्या करिअरवरही प्रश्नचिन्ह उपस्थित झाले होते. करणनाथ, अमन कोहली, पुरी राजकुमार, साजद खान, अकबर नक्वी सारख्या कलाकारांना इतर चित्रपटात काम मिळणं बंद झालं.