‘या’ प्रसिद्ध अभिनेत्याने नाकारलं चित्रपटाचं मानधन, म्हणाला, “मला निर्मात्याचं श्रेय…”

कार्तिकनं मनोरंजनसृष्टीत ओळख नसतानाही प्रेक्षकांच्या मनात त्याचं एक वेगळं स्थान निर्माण केलंय. कार्तिक अभिनीत एका चित्रपटाला जेव्हा आर्थिक संकटाचा सामना करावा लागला होता तेव्हा त्यानं त्या चित्रपटात नि:शुल्क काम केलं होतं. त्याबद्दल नुकत्याच दिलेल्या एका मुलाखतीत त्यानं सांगितलं आहे.

हेही वाचा… ‘लक्ष्मीच्या पाऊलांनी’ फेम ईशा केसकरने ‘पुष्पा-२’ च्या गाण्यात आणला ट्विस्ट, डान्स व्हिडीओ व्हायरल

‘शोशा’ला दिलेल्या एका मुलाखतीत, कार्तिकनं उघड केलं की, गेल्या वर्षीचा ॲक्शन कॉमेडी चित्रपट ‘शहजादा’ जेव्हा आर्थिक संकटाचा सामना करीत होता तेव्हा त्यानं त्याचं मानधन सोडण्याचा निर्णय घेतला. रोहित धवन यांनी दिग्दर्शत केलेल्या या चित्रपटासाठी त्याला निर्मात्याचं श्रेय देण्यात आलं होतं. कार्तिक म्हणाला, “मला निर्मात्याचं श्रेय मिळालं. कारण- मी माझं मानधन घेतलं नव्हतं. मी हे केलं जेव्हा याबद्दल कोणीच बोलत नव्हतं. त्यांच्या आर्थिक कमतरतेमुळे मी माझं मानधन सोडून दिलं. याबद्दल कोणीही लिहीत नाही. हे फक्त मी नाही, तर अनेक कलाकार करतात. बहुधा यापेक्षा अधिक करतात. हे खूप सोपं गणित आहे. दिग्दर्शक, अभिनेता आणि निर्मात्यापासून सगळ्यांनाच वाटत असतं की, आपला चित्रपट यशस्वी व्हावा. कोणालाही असं नाही वाटत की, मी माझं मानधन घेणार; चित्रपट खड्ड्यात गेला तरी चालेलं.”

हेही वाचा… ‘पारू’ फेम शरयू आणि पूर्वा पुन्हा एकदा थिरकल्या ‘पुष्पा-२’च्या गाण्यावर, VIDEO व्हायरल

‘शहजादा’चे निर्माते भूषण कुमार यांनीही यापूर्वी कार्तिक आर्यनचं कौतुक केलं होतं आणि सांगितलं होतं की, कार्तिक आर्यननं त्यांच्या वाईट काळात टीमला सपोर्ट केला आणि मानधन न घेता, तो त्यांच्या पाठीशी उभा राहिला.

हेही वाचा… “ती खासदारच नाही पण…”, कंगना रणौतच्या श्रीमुखात देणाऱ्या कॉन्स्टेबलची अनुपम खेर यंनी केली कानउघडणी, म्हणाले…

दरम्यान, कार्तिक आर्यनच्या कामाबद्दल सांगायचं झालं तर, कार्तिक शेवटचा सत्य प्रेम की कथा या चित्रपटात झळकला होता. कार्तिकचा ‘चंदू चॅम्पियन’ हा आगामी चित्रपट लवकरच प्रेक्षकांच्या भेटीला येणार आहे. तर, ‘भूल भुल्लैया-३’ मध्येदेखील कार्तिक प्रमुख भूमिकेत झळकणार आहे.