सारा अली खानने विमानतळावरुन चोरली होती ‘ही’ वस्तू ; विकी कौशलने सांगितला मजेदार किस्सा

जरा हटके जरा बचकेला मिळणारे यश साजरे करण्यासाठी एका कार्यक्रमाचे आयोजन करण्यात आलं होतं. या क्रार्यक्रमात विकी आणि साराला विचारण्यात आले की त्यांनी कधी हॉटेलच्या खोल्यांमधून सामान चोरले आहे का?. या प्रश्नावर विकीने साराचा एक किस्सा सांगितला आहे. साराला एकदा विमानतळावर १० मिनिटं झोपली होती. तिला त्या विमानतळावरची उशी एवढी आवडली की ती उशी घेऊन ती ३ राज्यांमध्ये फिरली. विमानतळावरची उशी घेऊन कोण जातं? असा प्रश्नही विकीने विचारला.

दरम्यान साराने आपली आई अमृता सिंग यांच्याशी संबंधित किस्सा सांगितला आहे. आम्ही महिनाभर सहलीला जात होतो. विमानतळावर बॅग तपासत असताना माझ्या आईच्या बॅगेचे वजन १० किलो जास्त भरले होते. साराने त्या बॅगेत शाम्पू, कंडिशनर, लोशन आणि टूथपेस्ट गोळा केली होती. त्यानंतर साराला असं न करण्याची ताकीत दिली होती.

हेही वाचा- दिलजीत दोसांझ करतोय अमेरिकन गायिका टेलर स्विफ्टला डेट? गायकाने सोडले मौन, म्हणाला…

दरम्यान, काही दिवसांपूर्वी सारा अली खानने स्वत: कबूल केले होते की ती खूप कंजूष आहे. एका कार्यक्रमासाठी सारा अबू धाबीला गेली होती. त्यावेळी रोमिंग फीसाठी ४०० रुपये खर्च करण्याऐवजी तिने तिच्या आसपासच्या लोकांना हॉटस्पॉटसाठी विचारले होतं. ब्रूट इंडियाला दिलेल्या मुलाखतीत साराने याबाबतचा खुलासा केला होता.

जरा हटके जरा बचके चित्रपटाने आत्तापर्यंत ३७.३६ कोटी रुपयांची कमाई केली आहे. प्रदर्शनाच्या पहिल्याच दिवशी या चित्रपटाने ५.४९ कोटी रुपयांची कमाई केली होती. चित्रपटाला मिळणाऱ्या यशानंतर सारा आणि विकी कौशलने सिद्धीविनायकाचं दर्शन घेत आभार मानले होते.