Video: नणंद व भाच्यांबरोबर रकुल प्रीतचं आहे ‘असं’ बॉण्डिंग, जॅकीची बहीण आहे देशमुखांची सून, पाहा व्हिडीओ

रकुल प्रीत व जॅकी लग्नानंतर अनेक कार्यक्रमांना एकत्र हजेरी लावत आहेत. नुकताच त्यांचा एक व्हिडीओ समोर आला आहे, ज्यात जॅकी- रकुल दिपशिखा देखमुख व तिच्या मुलांबरोबर एका कार्यक्रमात दिसले. यावेळी त्या सर्वांनी एकत्र पोजही दिल्या. दिपशिखा ही जॅकीची सख्खी मोठी बहीण आहे. या व्हिडीओत रकुल नणंद दिपशिखा व तिच्या मुलांबरोबर प्रेमाने गप्पा मारताना दिसली. या व्हिडीओत रकुलचं नणंद व तिच्या मुलांशी खास बॉण्डिंग पाहायला मिळालं.

प्रियांका चोप्राची बहीण झाली केजरीवालांची सून! मीराने ४० व्या वर्षी बांधली लग्नगाठ, फोटो शेअर करत म्हणाली…

जॅकी भगनानी व रकुलने Ed Sheeran च्या कार्यक्रमाला मुंबईत हजेरी लावली. यावेळी आमदार धीरज देशमुख यांची पत्नी दिपशिखा देशमुखही तिच्या मुलांबरोबर या कार्यक्रमाला पोहोचली होती. त्यानंतर दिपशिखा, तिची मुलं, रकुल व जॅकी यांनी याठिकाणी एकत्र पोज दिल्या. रकुल नणंद व तिच्या मुलांबरोबर गप्पा मारताना पापाराझींच्या कॅमेऱ्यात कैद झाली. ‘फिल्मीग्यान’ ने त्यांचा एक व्हिडीओ शेअर केला आहे.

१७ व्या वर्षी सोडलं घर, चाळीत राहून केला संघर्ष, नकारामुळे आत्महत्येचे विचार अन्…; आता एका चित्रपटासाठी कोट्यवधी आकारतो ‘हा’ अभिनेता

जॅकी व रकुल २१ फेब्रुवारी रोजी गोव्यात लग्नबंधनात अडकले. हे दोघेही मागच्या काही वर्षांपासून रिलेशनशिपमध्ये होते. त्यांनी गोव्यात समुद्रकिनारी एका आलिशान रिसॉर्टमध्ये लग्नगाठ बांधली.