scorecardresearch

Premium

“माझ्या चार थोबाडीत मारा पण…” नाना पाटेकरांसह काम करण्याच्या अनुभवाबद्दल विवेक अग्निहोत्रींची प्रतिक्रिया

मीडियाशी संवाद साधताना विवेक अग्निहोत्री अन् नाना पाटेकर यांनी एकमेकांबद्दल प्रथमच काम करण्याच्या अनुभवाबद्दल भाष्य केलं

vivek-agnihotri-nanapatekar
फोटो : सोशल मीडिया

‘द व्हॅक्सिन वॉर’ चित्रपटाचा ट्रेलर मंगळवारी प्रदर्शित करण्यात आला. या चित्रपटात अभिनेते नाना पाटेकर आणि अभिनेत्री पल्लवी जोशी यांच्या प्रमुख भूमिका आहेत. ट्रेलर प्रदर्शित झाल्यावर चित्रपटाच्या दिग्दर्शकासह प्रमुख कलाकारांनी मीडियाशी संवाद साधला. यावेळी नाना पाटेकर यांनी बॉलीवूडमधील सद्यस्थिती आणि चित्रपटांबद्दल भाष्य केलं.

याबरोबरच मीडियाशी संवाद साधताना विवेक अग्निहोत्री अन् नाना पाटेकर यांनी एकमेकांबद्दल प्रथमच काम करण्याच्या अनुभवाबद्दल भाष्य केलं. नाना पाटेकर यांना चित्रपटात घेताना विवेक यांनाही बऱ्याच लोकांनी नाना यांच्या रागीट स्वभावाबद्दल सांगितलं होतं, इतकंच नव्हे तर नाना यांना चित्रपटा घेतल्याबद्दल त्यांना काहींनी मूर्खातसुद्धा काढल्याचं त्यांनी सांगितलं.

Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल
shubhangi galande bold decision of pregnancy happy single mother
मला आई व्हायचंय… म्हणणाऱ्या शुभांगी गलांडेच्या ‘या’ धाडसी निर्णयाचे सोशल मीडियावर कौतुक; पाहा…
fm nirmala sitharaman directed regulators to take more stringent steps against fraudulent loan apps
फसव्या ‘लोन ॲप’वर अंकुश; अर्थमंत्री सीतारामन यांचे नियामकांना आणखी कठोर पावले टाकण्याचे निर्देश
Loksatta chaturanga Governor Ramesh Bais Consider changing school timings
शाळेची वेळ: सकाळची की दुपारची?

आणखी वाचा : The vaccine War Trailer : “India Cant Do It…” विवेक अग्निहोत्रींच्या बहुचर्चित ‘द व्हॅक्सीन वॉर’चा ट्रेलर प्रदर्शित

याविषयी बोलताना विवेक अग्निहोत्री म्हणाले, “अगदी प्रामाणिकपणे सांगायचं झालं तर मला कित्येकांनी सांगितलं की इतर कुणालाही घ्या पण नाना यांना चित्रपटात घेऊ नका. कारण जरा जरी त्यांच्या मनाविरुद्ध गोष्टी घडल्या तर तुझी काही खैर नाही असं बऱ्याच लोकांनी सांगितलं होतं. मी पल्लवीकडे याबाबतीत विचारणा केली तेव्हा मला समजलं की कामाच्या बाबतीत नाना इतका चोख कलाकार नाही.”

पुढे ते म्हणाले, “नाना पुण्याच्या पुढे खडकवासलाजवळच्या एका फार्म हाऊसमध्ये राहतात, मी तिथे गेलो, नाना यांनी आमच्यासाठी छान जेवण केलं होतं. त्यानंतर मी न राहवून नाना यांना विचारलं की तुम्ही मला ४-५ वेळा थोबडावून काढलं तरी चालेल पण मी जी भूमिका लिहिली आहे ती तुम्ही अगदी तशीच साकारणार ना, एवढंच मला जाणून घ्यायचं आहे. एक गोष्ट मी अभिमानाने सांगू इच्छितो की सेटवर नाना एक नवीन मुलाप्रमाणे वावरत होते. या भूमिकेसाठी नाना यांनी प्रचंड मेहनत घेतल्याचं पडद्यावर दिसून येत आहे.”

या चित्रपटात नाना पाटेकर, पल्लवी जोशी, गिरिजा ओक, सप्तमी गौडा, रायमा सेन व अनुपम खेर यांच्या प्रमुख भूमिका आहेत. मध्यंतरी अभिनेता आर माधवन यानेदेखील या चित्रपटाचे भरभरून कौतुक केलं. भारताची पहिली स्वतःची लस बनवणाऱ्या असामान्य वैज्ञानिकांची ही असामान्य कथा २८ सप्टेंबर रोजी पडद्यावर उलगडणार आहे.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Vivek agnihotri speaks about experience of working with nana patekar in the vaccine war avn

First published on: 13-09-2023 at 19:55 IST

संबंधित बातम्या

तुम्ही या बातम्या वाचल्या आहेत का? ×