“तुझे प्रयत्न कौतुकास्पद…” केंद्रीय मंत्री नितीन गडकरींनी मानले अक्षय कुमारचे आभार

आणखी वाचा : आमिर, अक्षयनंतर अजय देवगणला बॉयकॉट करण्याची होतेय मागणी, जाणून घ्या कारण

केंद्रीय मंत्री नितीन गडकरी यांनी अक्षय कुमारचा एक व्हिडिओ शेअर केला आहे. या व्हिडीओत सीटबेल्ट आणि एअरबॅगच्या आवश्यकतेकडे प्रेक्षकांचे लक्ष वेधत गाडीत सहा एअरबॅग्सची किती आवश्यकता असते हे तो सांगत आहे. ते सांगताना अक्षय कुमार कारमधील एअरबॅगच्या महत्त्वाविषयी चर्चा करताना दिसत आहे. या जाहिरातीत या व्हिडीओमध्ये नुकतंच लग्न झालेल्या मुलीच्या पाठवणीचा प्रसंग दाखवण्यात आला आहे. ज्या गाडीमध्ये सर्व प्रवाशांसाठी सीट बेल्ट उपलब्ध आहे, त्याच गाडीत मुलीची पाठवणी करा, असा आग्रह मुलीच्या वडिलांना अक्षय कुमार करताना दिसत आहे. या व्हिडीओमार्फत प्रवासादरम्यान सुरक्षितेतसाठी सीट बेल्ट लावण्याच्या गरजेबाबत सांगण्याचा प्रयत्न अक्षय कुमारने केला आहे.

“अक्षय कुमार, देशव्यापी राष्ट्रीय रस्ता सुरक्षा मोहिमेला पाठिंबा दिल्याबद्दल तुझे आभार. रस्ते सुरक्षेच्या मुद्द्यांवर जागरूकता पसरवण्याचे तुझे प्रयत्न खरोखर कौतुकास्पद आहेत. आम्ही जागरूकता आणि लोकसहभागाने भारतातील रस्ते अपघात कमी करण्यासाठी वचनबद्ध आहोत,” असे ट्वीट नितीन गडकरी यांनी केले.

हेही वाचा : अक्षय कुमार आणि प्रियांका चोप्राचे ‘ते’ गाणे अखेर आज १७ वर्षांनी झाले प्रदर्शित

यापूर्वीदेखील अभिनेता अक्षय कुमार रस्त्यावरून प्रवास करताना आपली सुरक्षेची काळजी आपण कशाप्रकारे घेतली पाहिजे, हे सांगणाऱ्या अनेक जाहिरातींमध्ये दिसला आहे. आता पुन्हा एकदा अक्षयने या जाहिरातीच्या माध्यमातून जनजागृती केल्यामुळे केंद्रीय मंत्री नितीन गडकरी यांनी त्याचे आभार मानले आहेत.