नाटक, मालिका, चित्रपट आणि वेब सीरिज अशा विविध माध्यमांतून प्रेक्षकांचे मनोरंजन करणारा मराठमोळा अभिनेता म्हणजे अमेय वाघ. उत्तम अभिनय शैली आणि योग्य कथानकांची निवड यामुळे अमेयचा चाहतावर्ग अफाट आहे. तो सोशल मीडियावरदेखील सक्रीय असतो. अमेय वाघ नुकताच मी वसंतराव’ या चित्रपटात दिसला होता. आत अमेयच्या चाहत्यांसाठी मोठी बातमी आहे. अमेय वाघ आता आपल्याला हिंदी चित्रपटात दिसणार आहे. 'गोविंदा नाम मेरा' या हिंदी चित्रपटात तो आपल्या भेटीस येणार आहे. नुकताच या चित्रपटाचा ट्रेलर प्रदर्शित झाला आहे . या चित्रपटात तो विकी कौशलच्या मित्राच्या भूमिकेत दिसणार आहे. इन्स्टाग्रामवर पोस्ट शेअर करत त्याने ही माहिती दिली आहे. चित्रपटाच्या पोस्टरवरून तरी तो एका वकिलाच्या भूमिकेत दिसत आहे. त्याच्या या पोस्टवर विकी कौशलनेदेखील कॉमेंट केली आहे. Govinda Naam Mera Trailer: कॉमेडी सस्पेन्सने भरलेला ‘गोविंदा नाम मेरा’चा ट्रेलर प्रदर्शित; विकी कौशलचा धमाकेदार अंदाज या चित्रपटामध्ये विकी कौशल गोविंदा वाघमारे ही प्रमुख व्यक्तिरेखा साकारणार आहे. भूमी पेडणेकरने त्याच्या पत्नीची भूमिका साकारली आहे तर कियारा अडवाणी त्याची प्रेयसी दाखवली आहे. चित्रपटाच्या ट्रेलरवरून हा चित्रपट सस्पेन्स कॉमेडी असणार आहे. अमेयच्या बरोबरीने या चित्रपटात सयाजी शिंदेदेखील आहेत. हा चित्रपट डिज्नी प्लस हॉटस्टारवर १६ डिसेंबर रोजी प्रदर्शित होणार आहे. या चित्रपटाचे दिग्दर्शन शशांक खैतान यांनी केले असून करण जोहरच्या धर्मा प्रोडक्शनने याची निर्मिती केली आहे. दिल दोस्ती दुनियादारी’, ‘फास्टर फेणे’ किंवा ‘अमर फोटो स्टुडिओ’ यासारख्या अनेक चित्रपटांसह मालिकांमधून त्याने प्रेक्षकांच्या मनात एक वेगळे स्थान निर्माण केले आहे. तसेच असुर, सेक्रेड गेम्स यासारख्या हिंदी वेबसिरीज मध्ये काम केले आहे.
