बॉलिवूड अभिनेत्री सारा अली खान ही लोकप्रिय अभिनेत्रींपैकी एक आहे. सारा सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. नुकताच साराचा एक फोटो सोशल मीडियावर प्रचंड व्हायरल झाला आहे. हा फोटो पाहिल्यानंतर साराला सोशल मीडियावर प्रचंड व्हायरल झाला आहे.
साराचा हा फोटो फिल्मफेअरने त्यांच्या इन्स्टाग्राम अकाऊंटवरून शेअर केला आहे. या फोटोत सारा महादेवाची पूजा करताना दिसते. साराचे हे सगळे फोटो शेअर करत ‘अतरंगी रे’ या आगामी चित्रपटाच्या प्रदर्शना आधी सारा दिल्लीत महादेवाची पूजा करते असे कॅप्शन देण्यात आले आहे. हे फोटो पाहिल्यानंतर सारा सोशल मीडियावर ट्रोल झाली आहे.
साराच्या या फोटोवर कमेंट करत एक नेटकरी म्हणाला, ‘सारा तू मुस्लीम आहेस की नाही, ही भीती नाही.’ दुसरा नेटकरी म्हणाला, ‘ही मुस्लीम आहे की नाही.’ तिसरा नेटकरी म्हणाला, ‘मुस्लीम नाव असलेली हिंदू.’ आणखी एक नेटकरी म्हणाला, ‘सारा तुला धर्माची आठवण फक्त चित्रपट प्रदर्शनाच्या वेळी येते का?’ दुसरा नेटकरी म्हणाला, ‘ती मुस्लीम आहे की हिंदू, एकाच धर्माचे पालन कर’, अशा अनेक कमेंट करत नेटकऱ्यांनी तिला ट्रोल केले आहे.
दरम्यान, सारा अली खानचा ‘अतरंगी रे’ हा चित्रपट लवकरच प्रेक्षकांच्या भेटीला येणार आहे. सारासोबत या चित्रपटात अक्षय कुमार आणि धनुष दिसणार आहेत. या चित्रपटातील गाण्यांनी प्रेक्षकांची मने जिंकली आहेत. या चित्रपटाचे दिग्दर्शन आनंद एल राय यांनी केले आहे. धनुषचा दिग्दर्शक आनंद एल रायसोबतचा हा दुसरा चित्रपट आहे. हा चित्रपट पाहण्यासाठी प्रेक्षक उत्सुक आहेत.
लोकसत्ता आता टेलीग्रामवर आहे. आमचं चॅनेल 
