द्विशतक झळकावणाऱ्या शुबमन गिलच्या अफेअरच्या चर्चा, बॉलिवूडच्या सुप्रसिद्ध अभिनेत्याच्या लेकीला करतोय डेट?

आणखी वाचा – ‘पठाण’साठी शाहरुख खानने घेतलं ‘इतके’ कोटी मानधन, दीपिका पदुकोण व जॉन अब्राहमला मिळाले पाचपट कमी पैसे

शुबमनच्या लव्ह लाइफबाबत आजवर अनेक चर्चा रंगल्या. अभिनेत्री सारा अली खानबरोबर त्याचं नाव जोडलं गेलं. त्याचबरोबरीने आणखी एका साराशी शुबमनचं नातं असल्याची चर्चा सुरु झाली. ती सारा म्हणजे सचिन तेंडुलकरची लेक सारा तेंडुलकर. शुबमनलाही एका मुलाखतीदरम्यान त्याच्या रिलेशनशिपबाबत विचारण्यात आलं.

२३ वर्षीय शुबमनला एका टॉकशोमध्ये “तू सारा अली खानला डेट करत आहेस का?” असं विचारण्यात आलं. यावेळी तो “बहुतेक” असं म्हणाला होता. शिवाय साराबरोबरचे त्याचे बरेच फोटोही सोशल मीडियावर व्हायरल झाले. या दोघांचे दुबईमधीलही एकत्र फोटो सगळ्यांसमोर आले.

आणखी वाचा – Video : पाठ दाबली, अंगावर बसली अन्…; प्रार्थना बेहरेचा नवऱ्याबरोबरचा बेडरुम व्हिडीओ व्हायरल, सहकलाकार म्हणाली, “दाखवायचे दात…”

सारा अली खानशी शुबमन गिलचं नाव जोडलं जात असताना सारा तेंडुलकरशी त्याचं असलेलं नातं चर्चेत आलं. मात्र अद्यापही सारा तेंडुलकर व शुबमनचे कोणतेच एकत्रित फोटो व्हायरल झालेले नाहीत. पण शुबमनसह सारा तेंडुलकर व सारा अली खाननेही त्यांच्या नात्याबाबत मौनव्रत कायम पाळलं आहे.