“मी, राज ठाकरे आणि ती…”, अवधूत गुप्तेच्या पोस्टने वेधलं लक्ष

‘खुपते तिथे गुप्ते’ या शोमध्ये मनसे अध्यक्ष राज ठाकरे हजेरी लावणार आहेत. अवधूत गुप्तेने राज ठाकरेंबरोबरचा फोटो सोशल मीडियावरुन शेअर केला आहे. या फोटोला त्याने “मी, ते (राज साहेब) आणि ती (खुर्ची).. ४ जूनला रात्री ९ वाजता! आता प्रत्येक रविवार…धारदार!!” असं कॅप्शन दिलं आहे. अवधूत गुप्तेची ही पोस्ट सध्या चर्चेत आहे.

हेही वाचा>> ‘महाराष्ट्राची हास्यजत्रा’ फेम दत्तू मोरे अडकला विवाहबंधनात, पत्नीबरोबरचे फोटो व्हायरल

राज ठाकरेंचे ‘खुपते तिथे गुप्ते’मधील काही प्रोमो व्हिडीओ झी मराठीच्या ऑफिशिअल पेजवरुन शेअर करण्यात आले आहेत. या व्हिडीओमध्ये राज ठाकरे अजित पवारांवर फटाकेबाजी करताना दिसत आहे. “अजित पवार स्वत:च्या मुलाला निवडून आणू शकले नाहीत. बारामतीत काकांनी हात बाजूला केला, तर यांचं तरी काय होईल?” असं म्हणताना ते दिसत आहेत.

‘खुपते तिथे गुप्ते’ या शोमध्ये मुख्यमंत्री एकनाथ शिंदेही हजेरी लावणार आहेत. ४ जूनपासून दर रविवारी रात्री ९ वाजता हा शो प्रसारित करण्यात येणार आहे.