scorecardresearch

Premium

लाडक्या बाप्पाला निरोप देताना श्रेया बुगडे भावूक; म्हणाली, “पाच दिवसात तुझ्यासमोर हात जोडताना…”

श्रेयाने तिच्या घरातील गणपतीचा एक छान फोटो शेअर केला आहे.

shreya bugde ganpati post
श्रेया बुगडेची गणपती बाप्पासाठी खास पोस्ट

गणपती बाप्पा मोरया, पुढच्या वर्षी लवकर या याच जयघोषात आपल्या लाडक्या बाप्पाला निरोप देण्यात आला. गणपती बाप्पाला निरोप देताना सर्वच गणेशभक्तांचे डोळे पाणावल्याचे पाहायला मिळाले. सर्वसामान्यांपासून ते मोठमोठे कलाकारही बाप्पाला निरोप देताना भावूक झाले. कॉमेडी क्वीन अशी ओळख मिळवलेली श्रेया बुगडे बाप्पाला निरोप देताना भावूक झाली. यानिमित्ताने तिने बाप्पासाठी एक खास पोस्ट केली आहे.

श्रेया बुगडे मराठी कलाविश्वातील लोकप्रिय अभिनेत्रींपैकी एक आहे. छोट्या पडद्यावरील ‘चला हवा येऊ द्या’ या शोमुळे ती घराघरात पोहोचली. उत्तम अभिनय व विनोदाचं अचूक टायमिंग साधत ती प्रेक्षकांना खळखळवून हसवते. नुकतंच श्रेयाने तिच्या घरातील गणपतीचा एक छान फोटो शेअर केला आहे. याबरोबरच तिने लांबलचक पोस्ट लिहित तिच्या भावनाही व्यक्त केल्या आहेत.
आणखी वाचा : ‘स्टार प्रवाह’वर लवकरच येणार नवी मालिका; निर्मिती सावंत आणि सिद्धार्थ चांदेकरने केलं जाहीर

singer suresh wadkar praises pm narendra modi
उलटा चष्मा : दिव्यत्वाची प्रचीती…
balmaifal, cat, love, kittens, story, memory, kids, child, mother,
बालमैफल : मांजरीचं प्रेम..
youth lured a young woman
नागपूर : प्रेमसंबंध एकीशी अन् लग्न दुसरीशी… हळद लागण्यापूर्वीच नवरदेवाच्या हातात बेड्या…
nagpur crime, nagpur boyfriend runs car over his girlfriend
नागपूर : कारागृहातून सुटताच प्रियकराने थेट प्रेयसीच्या अंगावर घातली कार

श्रेया बुगडेची पोस्ट

“काल ‘निरोप घेता आता आम्हा आज्ञा असावी, चुकले आमचे काही त्याची क्षमा असावी’ असे म्हणत तुझा निरोप घेतला .. आणि नेहमी सारखे अश्रू अनावर झाले ….
गेल्या इतक्या वर्षात ह्या ५ दिवसात तुझ्यासमोर हात जोडताना काही मागितल्याचं मला आठवत नाही … पण एक सांगेन ह्या ५ दिवसात तुझ्यायेण्याने जेवढा आनंद मला मिळतो तो मला कधीच शब्दात मांडता येणार नाही ..
तुझ्या निमित्ताने सगळी माझी प्रेमाची माणसं एकत्र येतात ..तुझं कौतुक करतात ..तेव्हा मनाला होणारा आनंद गगनात मावेनासा असतो ..हि प्रथा वर्षांनुवर्षे अशीच चालू ठेव ..तुझी सेवा करायची संधी आम्हला देत राहा !
विसर्जन फक्त म्हणायला रे , बाकी माझ्यासोबत तू असतोसच कि …कायम दिसत राहतोस ..कधी कामात ,कधी माणसांमध्ये …
माझ्यावर अतोनात निःस्वार्थ प्रेम करणारी माणसं माझ्या आयुष्यात आहेत..आणि हा तू मला दिलेला सगळ्यात मोठा आशीर्वाद आहे .
Mumma म्हणते तसं “जाते नाही येते म्हणावं गं”
मग आता ..ये लौकर पुढच्या वर्षी आनंदाने …
तुला सगळ्यासाठी खूप THANK YOU! आणि एक घट्ट मिठी (तुला तर माहितीये आपलं)
सुखी राहा ! आनंदात राहा ..तुला खूप prem.. भेटूच”, असे श्रेयाने या पोस्टमध्ये म्हटले आहे.

आणखी वाचा : “बाकीच्या मंडळांचे देव पण पावतात”, लालबागच्या राजाच्या दर्शनावरून ट्रोल करणाऱ्याला अभिनेत्रीने दिलं उत्तर, म्हणाली…

दरम्यान श्रेयाच्या या पोस्टवर तिच्या अनेक चाहत्यांनी कमेंट केल्या आहेत. अनेकांनी यावर ‘खूप छान लिहिलं आहे’, ‘सुरेख कॅप्शन’, अशा कमेंट केल्याचे पाहायला मिळत आहे. श्रेया बुगडेच्या घरी दरवर्षी पाच दिवस गणपती बाप्पा विराजमान होतो. श्रेयाचं आणि बाप्पाचं नातं फारच खास आहे.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chala hawa yeu dya fame actress shreya bugde get emotional during ganpati visarjan share post nrp

First published on: 25-09-2023 at 11:24 IST

संबंधित बातम्या

तुम्ही या बातम्या वाचल्या आहेत का? ×