लग्नात Lafdi हॅशटॅग का वापरला? गौतमी देशपांडे – स्वानंद तेंडुलकरने पहिल्यांदाच सांगितलं कारण; म्हणाले…

स्वानंद-गौतमीच्या लग्नसोहळ्यातील अनेक फोटो सोशल मीडियावर व्हायरल झाले होते. या सगळ्या फोटोंना त्यांच्या मित्र-मैत्रिणींनी लफडी असा हॅशटॅग दिला होता. या हॅशटॅगमागचा अर्थ या दोघांनी राजश्री मराठीच्या मुलाखतीत सांगितला आहे. स्वानंद म्हणाला, “आमच्या ओळखीमधल्या काही लोकांना आमची लफडी चालू आहेत हे माहीत होतं. याशिवाय माझ्या ऑफिसमध्ये आमची एक लफडी गँग आहे आणि आमच्या या गँगचे बरेच व्हिडीओ व्हायरल होत असतात. आम्ही दोघंही खूप वर्षांपासून एकत्र असल्याने आमचे काही मित्र ‘अरे यांची लफडी चालू आहेत’ असं म्हणायचे. त्यामुळे या सगळ्यावरून लग्नात आम्ही लफडी हॅशटॅग वापरायचा असं ठरवलं.”

हेही वाचा : “अक्षय कुमारच्या स्टाफपेक्षा कमी मानधन मिळालं अन् त्यांच्यासमवेत…”, मुश्ताक खान यांचा खुलासा; म्हणाले, “दुर्दैवाने…”

गौतमी याबद्दल म्हणाली, “स्वानंद बऱ्याचवेळा मला ‘ए तू लफडी करू नकोस हा’ किंवा ‘लफडी मत कर’ असं सांगत असतो. चालता-बोलता नेहमी त्याच्या तोंडात लफडी हा शब्द असतो. शेवटी लग्न करताना तो म्हणाला, आता आपण लफडी हा हॅशटॅग करून टाकूया. स्वानंदच्या ऑफिसच्या लोकांमुळे लफडी हॅशटॅगची सर्वात जास्त चर्चा रंगली आणि शेवटी ‘स्वॅग’पेक्षा जास्त ‘लफडी’ हा हॅशटॅग व्हायरल झाला.”

हेही वाचा : ‘तू चाल पुढं’ मालिका लवकरच घेणार प्रेक्षकांचा निरोप, ‘या’ दिवशी प्रसारित होणार शेवटचा भाग

दरम्यान, स्वानंद-गौतमीबद्दल सांगायचं झालं, तर अभिनेत्री छोट्या पडद्यावरील ‘माझा होशील ना’ मालिकेमुळे घराघरांत लोकप्रिय झाली. सध्या ती ‘गालिब’ या नाटकात महत्त्वाची भूमिका साकारत आहे. याशिवाय स्वानंद भाडीपा या मराठी सीरिज बनवणाऱ्या कंपनीचा व्हाईस प्रेसिडंट म्हणून काम पाहतो.