05 July 2020

News Flash

थांबा वगळून एसटीचा उड्डाणपुलावरून प्रवास

प्रवासी प्रतीक्षेत, चालक-वाहकांवर कारवाई होणार

प्रवासी प्रतीक्षेत, चालक-वाहकांवर कारवाई होणार

मुंबई : नवी मुंबईतील उड्डाणपुलाच्या खाली असणाऱ्या बस थांब्यावर न थांबताच ‘शॉर्टकट’ म्हणून एसटीचालक उड्डाणपुलावरून गाडय़ा नेण्याचे प्रकार नवी मुंबईत घडत आहेत. त्यामुळे प्रवाशांना तिष्ठत राहावे लागत असल्याच्या तक्रारी आल्यानंतर एसटी महामंडळाने १४ सप्टेंबरपासून विशेष तपासणी मोहीम घेतली आहे. मुंबई ते पनवेल व त्यापुढे प्रवास करताना असलेल्या उड्डाणपुलांच्या खाली एसटीचे बस थांबे आहेत. परंतु चालक हे थांबे न घेताच जवळचा मार्ग म्हणून उड्डाणपुलाचा वापर करून पुढे रवाना होतात. त्यामुळे एसटीची वाट पाहत उभे असणाऱ्या प्रवाशांची गैरसोय होते. याविरोधात तक्रारी आल्यानंतर एसटीच्या मार्ग तपासणी पथकाने या पंधरवडा मोहिमेतच कारवाईला सुरुवात केली. मुंबई ते अलिबाग, मुंबई ते पुणे, मुंबई ते पैठण यासह अन्य गाडय़ा नेरुळ, खारघर, वाशी, कळंबोलीसह अन्य दोन ठिकाणी असलेले बस थांबे वगळून नवी मुंबईतील उड्डाणपुलावरून जात असल्याचे तपासणी पथकाच्या निदर्शनास आले. या गाडय़ा पकडून चालक-वाहकांना जाबही विचारण्यात आल्याचे सूत्रांनी सांगितले. त्याचा अहवाल बनवून संबंधित विभागाकडे सादर केला आहे. त्यानुसार या चालक-वाहकांवर निलंबनाचीही कारवाई होऊ शकते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2019 12:36 am

Web Title: msrtc bus excluding stop travelling from flyover zws 70
Next Stories
1 शेअर दलालाची आत्महत्या
2 विधानसभा निवडणूक लढवायची की नाही याबाबतचा अंतिम निर्णय राज ठाकरेंचाच!
3 मुंबईत चार मजली इमारतीचा भाग कोसळला, अग्निशमन दलाच्या सात गाड्या घटनास्थळी
Just Now!
X