24 September 2020

News Flash

मध्य रेल्वेवरील तांत्रिक बिघाडाच्या चौकशीसाठी त्रिसदस्यीय समिती

बुधवारी तांत्रिक बिघाडामुळे झालेल्या गोंधळामुळे लाखो प्रवाशांचे हाल झाले होते.

कोणतीही घटना घडली की, त्याची चौकशी करण्यासाठी समिती नेमण्याचा पायंडा मध्य रेल्वेने बुधवारच्या गोंधळानंतरही कायम राखला. बुधवारी तांत्रिक बिघाडामुळे झालेल्या गोंधळामुळे लाखो प्रवाशांचे हाल झाले होते. विद्युत यंत्रणेतील ऑक्झिलरी ट्रान्सफॉर्मर निकामी झाल्यामुळे हा तांत्रिक बिघाड झाला. मात्र २५ वर्षे आयुर्मान असलेला हा भाग दोनच वर्षांत कसा निकामी झाला, याची जबाबदारी कोणाची, त्यावर काय कारवाई करायची, आदी गोष्टींच्या तपासासाठी आता रेल्वेने त्रिसदस्यीय चौकशी समिती स्थापन केली आहे. ही समिती पुढील आठवडय़ात आपला अहवाल सादर करणार आहे.
मध्य रेल्वेवर बुधवारी तांत्रिक बिघाडामुळे लोकलसेवा तब्बल अडीच-तीन तास बंद होती. त्यामुळे लाखो प्रवाशांचे हाल झाले होते. विद्युत यंत्रणेतील ऑक्झिलरी ट्रान्सफॉर्मर निकामी झाल्यामुळे हा बिघाड झाल्याचे रेल्वेतर्फे सांगण्यात आले. विशेष म्हणजे ऑक्झिलरी ट्रान्सफॉर्मरचे आयुर्मान २५ वर्षांचे असताना संबंधित ट्रान्सफॉर्मर दोन वर्षांतच कसा काय निकामी झाला, असा प्रश्न आता रेल्वे अधिकाऱ्यांना पडला आहे. त्यामुळे या प्रकरणाची सखोल चौकशी करण्यासाठी या त्रिसदस्यीय समितीची स्थापना करण्यात आली आहे.
सिग्नल अ‍ॅण्ड टेलिकॉम विभाग, ओव्हरहेड वायर यंत्रणा विभाग हे बिघाडाशी संबंधित आणि एक स्वतंत्र अधिकारी, असे तीन अधिकारी या समितीत असतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 28, 2016 2:46 am

Web Title: three member committee for central railway technical problem enquiry
टॅग Central Railway
Next Stories
1 प्रफुल्ल पटेल २५० कोटी तर पीयूष गोयल ९४ कोटींचे धनी !
2 भुजबळांच्या वैद्यकीय तपासणीचा अहवाल न्यायालयात सादर
3 प्रफुल्ल पटेल यांच्या शिष्टाईनंतर काँग्रेस-राष्ट्रवादीचे जमले?
Just Now!
X