झोपडीवासीयांचे भाडे थकवणारा विकासक काळ्या यादीत, गुन्हाही दाखल! प्राधिकरणाकडून प्रथमच कठोर कारवाई

भाडे थकविणाऱ्या विकासकांविरुद्ध प्राधिकरणाने आतापर्यंत घरविक्रीला स्थगिती देण्याची कारवाई केली होती. त्यानंतरही विकासकांकडून भाडे अदा केले जात नसल्याचे निदर्शनास आले होते. त्यामुळे आता प्राधिकरणाने कठोर कारवाई करण्याचे संकेत दिले आहेत. झोपडीवासीयांना दोन वर्षांचे आगावू भाडे व त्या पुढील वर्षाचे धनादेश देणे बंधनकारक केले आहे. अन्यथा काळ्या यादीत टाकण्यात येईल, असे स्पष्ट केले होते. परंतु आता प्राधिकरणाने थेट विकासकाविरुद्ध गुन्हा दाखल केला आहे.

आणखी वाचा

केंद्रीय गुन्हे अन्वेषण विभागाकडून सायबर चोरट्यांविरुद्ध कारवाई; पुण्यासह देशभरात ३२ ठिकाणी छापे, २६ जणांना अटक

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

महाविकास आघाडीला ‘निर्भय बनो’ चा पाठिंबा, जाहीरनाम्यात मुद्द्यांचा समावेश करण्याची मागणी

येरवड्यातील एन.के. गँगच्या म्होरक्यासह साथीदारांवर मोक्का कारवाई

घाेरपडे पेठेतील एन्जाॅय ग्रुपच्या म्होरक्यासह साथीदारांवर मोक्का कारवाई

भिवंडी येथील राड्यानंतर आयपीएस अधिकाऱ्याची बदली

पुनर्विकासातील सामान्यांच्या ‘म्हाडा’ सदनिका अद्याप विकासकांकडेच? सर्वोच्च न्यायालयाकडूनही अहवाल सादर करण्याचे आदेश

वादग्रस्त वक्तव्याचे प्रकरण: जितेंद्र आव्हाडांविरोधात गुन्हा नोंदवण्याच्या मागणीचा पुनर्विचार करा,उच्च न्यायालयाचे ठाणे न्यायदंडाधिकाऱ्यांना आदेश

हेही वाचा – महापालिकेचे नवीन जाहिरात फलक धोरण, हरकती व सूचनांसाठी १५ दिवस

कांदिवली पश्चिम येथील साई श्रद्धा झोपडपट्टी पुनर्विकास योजनेला २०१२ मध्ये मंजुरी मिळाली होती. या योजनेला २०१५ मध्ये इरादा पत्र देण्यात आले. या योजनेत सुरुवातीला मे. पूजा डेव्हलपर्स होते. २०२१ मध्ये मे. सी.जी हौसिंग इन्फ्रा प्रा. लि. यांची विकासक म्हणून नियुक्ती झाली. झोपडीवासीय आणि खुल्या विक्रीतील घरांची ही २३ मजली संयुक्त इमारत असून ए विंगमध्ये पुनर्वसनातील तर बी विंगमध्ये विक्री घटकातील सदनिका प्रस्तावीत करण्यात आले आहेत. ए विंगमधील काही मजले विक्री घटकासाठी देण्यात आले आहेत. गेले १८ महिने भाडे थकित असल्याच्या अनेक तक्रारी प्राधिकरणाकडे आल्या होत्या. याशिवाय पुनर्वसन सदनिकांचे बांधकाम अनेक वर्षांपासून बंद असल्याच्या तक्रारीही प्राप्त झाल्या होत्या. त्यामुळे सदर विकासकाला संपू्र्ण भाडे अदा करीत नाही तो पर्यंत विक्री घटकातील बांधकामांना ऑक्टोबर २०२३ मध्ये स्थगिती देण्यात आली होती. याबाबत स्मरणपत्रेही देण्यात आली. तरीही विकासकाकडून पुनर्वसनाचे काम पूर्ण करण्याऐवजी विक्री घटकातील सदनिकांचे काम पूर्ण करण्यावर भर देण्यात आला होता. त्यामुळे अखेर प्राधिकरणाने विकासकाला दणका देण्यासाठी त्याला काळ्या यादीत टाकण्याबरोबरच गुन्हा दाखल करण्याचे आदेश मुख्य कार्यकारी अधिकाऱ्यांनी दिले. त्यानुसार प्राधिकरणाने मे. सी. जी. हौसिंग प्रा. लि. चे चंद्रेश गाला यांच्यावर गुन्हा दाखल केला. भाडे थकविणे आणि पुनर्वसनातील सदनिकांचे काम पूर्ण न केल्याबद्दल फसवणूक आणि विश्वासघात केल्याप्रकरणी गुन्हा दाखल करण्यात आला आहे. याबाबत महारेरा तसेच नोंदणी महानिरीक्षकांनाही कळविण्यात आले असून खरेदीदारांनी या प्रकल्पात घरखरेदी करू नये, असे आवाहन प्राधिकरणाने केले आहे.

हेही वाचा – Vijay Kadam Death : ज्येष्ठ अभिनेते विजय कदम यांचे निधन

पुनर्वसनातील सदनिकांचे काम जोरात सुरु आहे. आपण झोपडीवासीयांना भाडेही देणार आहोत. खुल्या बाजारातील सदनिकांच्या विक्रीतून पैसे मिळण्यास विलंब झाल्याने आपण अडचणीत आलो. परंतु पुढील दोन-तीन महिन्यांत सारे सुरळीत होईल – चंद्रेश गाला, विकासक