देशातील सर्वात श्रीमंत मुंबई महापालिकेच्या बँकेतील मुदतठेवी पोहचल्या ८९ हजार कोटींवर…

वित्त विभागाने विविध बँकांचे व्याजदर मागवून सर्वाधिक व्याजदर देणाऱ्या बँकांमध्ये या ठेवी गुंतवल्या आहेत. महानगरपालिकेच्या या मुदत ठेवीमधूनच आस्थापना खर्च व निवृत्त कर्मचाऱ्यांची देणी देण्यात येतात. तसेच विविध विकासकामांसाठी कंत्रादारांकडून घेतलेल्या अनामत रकमांचा या ठेवीमध्ये समावेश असतो.

हेही वाचा: ‘पंतप्रधान नरेंद्र मोदींना दाऊदचे दोन हस्तक मारणार’; मुंबई वाहतूक पोलिसांच्या हेल्पनाईनवर धमकीचा मेसेज

महानगरपालिकेचे महसुली उत्पन्न घटल्यामुळे मुदत ठेवींमधील प्रकल्पांसाठी राखीव असलेल्या निधीतून गेल्यावर्षी पाच हजार कोटींची रक्कम काढण्यात आली होती. तर यावर्षीही राखीव निधीतून प्रकल्पांसाठी खर्च करण्यात आला. विविध प्रकल्पांसाठी हा निधी संलग्न करण्यात आला आहे. दरवर्षी या मुदतठेवींमधील कोट्यावधींच्या ठेवी परिणत (मॅच्युअर) होत असतात. तर दरवर्षी नव्याने मुदतठेवी ठेवल्या जातात.