दादर रेल्वे स्थानकावर लॉरेन्स बिष्णोई टोळीचा गुंड, पोलीस मुख्य नियंत्रण कक्षाला दूरध्वनी

हेही वाचा : कथित बनावट गुणपत्रिकेबाबत मुंबई विद्यापीठाकडून पोलीस तक्रार दाखल

काही काळानंतर त्याने मोबाइल बंद केला. या घटनेचे गांभीर्य लक्षात घेऊन दादर रेल्वे पोलीस, दादर पोलीस, शिवाजी पार्क पोलीस, भोईवाडा पोलीस यांना दूरध्वनीबाबतची माहिती देऊन सतर्क राहण्याची सूचना करण्यात आली. पण तपासणीत तसे काहीही आढळले नाही. यापूर्वी सलमानच्या घराजवळ लॉरेन्स बिष्णोईच्या नावाने टॅक्सीची नोंदणी केल्याप्रकरणी उत्तर प्रदेशातील २० वर्षीय तरूणाला वांद्रे पोलिसांनी अटक केली होती. रोहित त्यागी (२०) असे अटक करण्यात आलेल्या आरोपीचे नाव असून तो उत्तर प्रदेशातील गाझीयाबाद येथील रहिवासी आहे. त्याने गुंड लॉरेन्स बिष्णोईच्या नावाने अभिनेता सलमान खानचे घर असलेल्या गॅलेक्सी अपार्टमेंट येथून वांद्रे येथे जाण्यासाठी खासगी टॅक्सीची नोंदणी केली होती. याप्रकरणी आरोपी तरूणाला दोन दिवसांची पोलीस कोठडी सुनावण्यात आली आहे. केवळ मस्करी करण्याच्या उद्देशाने हा प्रकार केल्याचे त्याचे चौकशीत सांगितले होते.